RIFLESCIUN di Vincenzo Balbis

I nu l’avei mai pensau

a ün ch’u l’è scampau pè novant’agni

int’a vita cante couse u l’ha passau?

 

U mundu u se gh’è ascaixi ciavirau

de suta i pei

e léi,

pè nu restà sciacau,

u l’ha asseghiu

in passu dopu l’autru,

cuscì u nu l’è falìu.

 

Ch’u fusse o ch’ u nu fusse apasciunau

a-e couse du so tempu,

bergian o omu asbiu,

girèndusse inderé

u vé

che in tocu du so mundu

u l’è spariu…

 

Canti miti

de omi, de idee e de nassiui

i sun nasciüi

inte növant’agni

e canti i sun casüi!

 

Cume tütu l’è scangiau

e u l’è distante!

 

Sulu u su,

cume sempre,

u cuntinua

a levasse de lagiü

versu u levante…

 

 

 

Vincenzo Balbis – Dialetto di Sanremo

 

 

RIFLESSIONE

 

Non avete mai pensato

a uno che è campato novant’anni

nella vita quante cose ha passato?

 

Il mondo gli si è quasi rigirato

di sotto i piedi

e lui,

per non rimanere schiacciato,

lo ha seguito

un passo dopo l’altro,

così non è fallito.

 

Che fosse o che non fosse appassionato

alle cose del suo tempo,

allocco o uomo sveglio,

girandosi indietro

vede

che un pezzo del suo mondo

è sparito…

 

Quanti miti

di uomini, di idee e di nazioni

sono nati

in novant’anni

e quanti sono caduti!

 

Come tutto è cambiato

ed è distante!

 

Solo il sole,

come sempre,

continua

ê levarsi di laggiù

verso il levante…