A POEXIA di Alessandro Guasoni

 

No ve stæ a credde che ne segge gioso

comme i mai çiçilien de barsellette;

mi vorrieiva che viatri, pròpio viatri,

impisci o mondo de poexia e poexia,

ma quella vera, ch’a va ben de longo,

che un o a caccia in tæra e a no se rompe,

che ançi co-i anni a cresce ancon de ciù,

erta de fronte a-o çê, investia de luxe,

comme ‘na miagia, un campanin, ‘na tore,

ch’a digghe à tutti: “No se semmo arreixi,

no emmo cegou a testa, semmo chi”.

 

 

 

Alessandro Guasoni – Lingua genovese di Voltri

Tratto da Vixita a Palaçio Inreâ, poexie zeneisi, Zona editore, 2018

 

 

POESIA

 

Non crediate che io ne sia geloso

come i mariti siciliani delle barzellette;

io vorrei che voi, proprio voi,

riempiste il mondo di poesia e poesia,

ma di quella vera, che va sempre bene,

che uno la butta per terra e non la rompe,

che anzi con gli anni cresce ancora di più,

alta di fronte al cielo, investita di luce

come un muro, un campanile, una torre,

che dica a tutti: “Non ci siamo arresi,

non abbiamo piegato la testa, siamo qui”.