O LAVELLO di Jose Ferrando

Foto di Cinzia Frandi

 

In cuxinn-a o grande lavello

de marmo o fäva bella

mostra de lê.

O l'ëa lungo con o possetto incavòu

o l'ëa o nostro banco da lòu.

Sovia a-o cian de marmo

con a trappa ben lustrâ

gh'é a coppetta do læte

inversâ con d'ärente

i coppettin a peiva

a ciossa co-i pullin,

gh'è ascì di gotti de veddro

drüo e 'na fiammanghilla

che a pesava un tonnëo.

Un taggiòu là arrembòu

o mostrava orgheuggioso

a fossa pe-o troppo lòu...

Quante persa gh'ho trïtòu!

e o mortâ co-o seu pestello

o dïva a tutti " son o ciù bello

da cuxinn-a son o re"

Addio vëgio lavello

se ti poesci parlâ

ti ghe n'aviesci da stöia da contâ.

Tutto in ti parlava, o bronzin

o cantava, a cassaræa a se

rattelava co-o forçinon e mì

cuxinava con pascion,

Addio vëgio lavello

vedrinn-a da nostra tradission,

addio trappa co-a tendinn-a

donde amavo ascondime

quand'ëo piccinn-a.

Addio monumento da mæ cà

addio a l'ingenuo penscëo

che insemme a-o mortâ

t' eise fæto un Michelangelo de Pra'

 

 

Jose Ferrando – Dialetto genovese

 

 

IL LAVELLO

 

In cucina  il grande lavello

di marmo faceva bella

mostra di sé.

Era lungo come un pozzetto incavato 

era il nostro banco di lavoro.

Sopra al piano di marmo 

con la sbarra ben lucidata

c’è la tazza del latte

capovolta con vicino

le tazzine che sembrano

la chioccia coi pulcini,

ci sono anche dei bicchieri di vetro

forte e un piatto da porta

che pesava una tonnellata.

Il tagliere là appoggiato

mostrava orgoglioso

l’incavo per il troppo lavoro…

Quanta maggiorano vi ho tritato!

E il mortaio col suo pestello

diceva a tutti “sono il più bello

della cucina sono il re”.

Addio vecchio lavello

se potessi parlare

avresti una storia da raccontare.

Tutto in te parlava, il paiolo di bronzo

cantava, la schiumarola si

bisticciava col forchettone e io

cucinavo con passione.

Addio vecchio lavello

vetrina della nostra tradizione,

addio sbarra con la tendina

dove amavo nascondermi

quando ero piccola.

Addio monumento della mia casa

addio all’ingenuo pensiero

che insieme al mortaio

t’avesse fatto un Michelangelo di Prà.