QUÆLO FÎ di Danila Olivieri

 

Quælo fî donde ti destendeivi a bugâ

– lavâ à man e ben arroxentâ –

con umiltæ, ti me dixeivi – moæ –

quello fî ch'ô l'aveiva o sô into cheu

e unn’ ànima de vento,

l’ammïo de da-o barcon e ancon

o porta o segno de tò moen gianche

arrigæ da rianelli de veñe turchiñe

A marso chì no manca

i tenei arboî da seia teinti d’endego

comme e tò viovette tardïe

ma parlâte o l’é delongo ciú diffiçile

oua che o tempo o l’é passòu à rëo

e no saviò mai se t’avvardavi

ancon di seunni ch'e s’avansavan

a-e lampe da neutte.

 

 

 

Danila Olivieri – Lingua genovese del Tigullio

 

 

QUEL FILO

 

Quel filo dove stendevi il bucato

-lavato a mano e ben risciacquato-

con umiltà mi dicevi - mamma-

quel filo che aveva il sole nel cuore

e un' anima di vento,

lo guardo dal balcone e ancora

porta l'impronta delle tue mani bianche

ruscellate da azzurre vene.

A marzo qui non mancano

i teneri crepuscoli tinti d' indaco

come le tue violette tardive

ma parlarti è sempre più difficile

ora che copioso il tempo è trascorso

e io non saprò mai se serbavi

ancora sogni ad affacciarsi

alle lampade della notte.