O TÒ TEMPO CORTO di Danila Olivieri

A stuffa, mamma, a  vëgia stuffa,

a fummava in çimma a-i tramonti

ötunnali in spirali profummæ

de minestron e de legne bruxæ.

A pettiva allegra de pigne

e boscaggin secchi da-a sæ,

regallæ da-o bosco,

co- i fonzi galletti e i boæi tardii.

E anche e nòstre poule ean fæte

propio de questo, erba, ziñe,

e, inte un gòtto, a serenitæ

d'un massetto de margaitiñe straggiæ.

O l'è novembre, dovemmo assavoî

tutta a luxe ch'a se scenta de sprescia

-ti me dixeivi- e paiva che za

ti savessi do tò tempo corto

e ti avessi cointa de vive

sensa perde un solo momento

à credde a-e promisse d'incanto contæ

da-e feugge avvampæ de colori.

 

 

 

Danila Olivieri – Dialetto genovese del Tigullio

 

 

IL TUO TEMPO BREVE

 

La stufa, mamma, la vecchia stufa

fumava in cima ai tramonti autunnali

in spirali odorose

di minestrone e di legna bruciata.

Scoppiettava allegra di pigne

e rametti arsi di sete, donati

dal bosco, coi funghi galletti

e gli ovoli tardivi.

E anche le nostre parole erano fatte

proprio di questo, erba, pendii,

e, in un bicchiere, la serenità

d'un mazzo di margherite sparse.

È novembre, dobbiamo assaporare

tutta la luce che in fretta declina,

-mi dicevi- e pareva che già

sapessi del tuo tempo breve

e avessi fretta di vivere

senza perdere un solo istante

a credere alle promesse d'incanto narrato

dalle foglie accese di colori.