TRADIMENTU di Vincenzo Balbis

A l’éiru cuntenta

cun tü,

p-i töi bàixi, e caresse, u tò amù…

 

Ti l’éiri sinceru,

ma avù,

che ti sei andau via lascendume sula

e riendu de mi,

a te odiu,

a te odiu

e ciache giurnu ch’u passa

ê te odiu ancura de ciü!

 

E tü, lüna, lasciü

che ti giöghi a ratu-ratin

tra gnivure scüre

ch’i se scurre int’u ventu,

vaghe ê dì

che de léi

a nu me cüru

e che avù,

ch’ê ghe portu rancù,

ê sun ascàixi cuntenta

de ‘stu so tradimèntu!

 

Dighe tütu lolì,

ma nu faghe capì

ch’ê t’u-u digu ciangendu…

 

 

 

Vincenzo Balbis – Dialetto di Sanremo

 

 

TRADIMENTO

 

Ero contenta

con te,

per i tuoi baci, le carezze, il tuo amore…

 

Tu eri sincero,

ma ora

che sei andato via lasciandomi sola

e ridendo di me,

ti odio,

ti odio

e ogni giorno che passa

ti odio ancora di più!

 

E tu, luna, lassù

che giochi ê rimpiattino

tra nuvole scure

che si rincorrono nel vento,

vagli ê dire

che di lui non mi curo

e che ora,

che gli porto rancore,

sono quasi contenta

di questo suo tradimento!

 

Digli tutto ciò,

ma non fargli capire

che te lo dico piangendo…