A FADIGA DE VIVE di Renzo Ferrero

                              Genova - Istituto Vittorio Emanuele II

Passo de tant'in tanto

arente ä scheua elementare 

ch'a m'ha visto garsonin

cö scösalin de calicò e a gassa bleu.

 

Passo de quand'in quando

pe quella stradda

soffocâ da caseggiati e gaz

che a quelli tempi a l'ëa a villa do manente 

e dove, co-i batusetti da mæ etæ,

andàvimo a röbâ amoænn-e e fighe.

 

M'accapita de votte de passâ

sotto i barcoin de l'Istitûto “Vittorio Emanuele”

dove a vint'anni ho piggiòu o “tocco de pappê”

 

Sovente passo poi pe quelli posti

che -ommo  fæto- ho bagnòu de sûo

e allòa, ve-o zûo, 

penso a quella gente

che s'a poésse a torniéiva in derrê.

 

Mì, che oramai son vëgio e stanco,

n'ho manco pe-o belin, e no ghe penso manco.

 

Pövio Papà, pövia Mammà,

lö che m'han misso a-o mondo

e con fatiga m'han levòu e che me voëivan ben

cöse pensiàn de mì -se  peuan  pensâ-??

Ma a mì me mette poìa a fadiga de vive...

 

 

 

Renzo Ferrero – Dialetto di Genova

 

 

LA FATICA DI VIVERE

 

Passo di tanto in tanto

presso la scuola elementare

che mi ha visto ragazzino

con il grembiulino di cotone e il fiocco bleu. 

Passo di quando in quando 

per quella strada

soffocata da palazzi e gas 

che a quei tempi era il podere del contadino 

e dove coi ragazzetti della mia età 

andavamo a rubare amarene e fichi.

 

Mi capita a volte di passare 

sotto le finestre dell'Istituto Vittorio Emanuele II 

dove a vent'anni mi sono diplomato. 

 

Sovente passo poi per quei posti 

che - uomo  fatto - ho bagnato di sudore

e allora - ve lo giuro - 

penso a quella gente 

che se potesse tornerebbe indietro.

 

Io, che oramai sono vecchio e stanco, 

non ne ho proprio voglia e non ci penso neanche. 

Povero Papà, povera Mamma, 

loro che mi hanno messo al mondo 

e con fatica mi hanno allevato e mi volevano bene, 

cosa penseranno di me - se possono pensare -? 

Ma a me mette paura la fatica di vivere....