IMPRESCION di Luigi Cornetto

T’ourriésci arriguelâteghe

in çimma

appussâteghe drento,

sentî in t’in momento

a pelle bruxâ.

 

Pâ quand’ê cazze

d’ëse in te ‘n mondo

de figgeu.

 

O cheu o bottezza

tutto in gïo l’é paxe.

 

E oëge pinn-e de coton

t’æ ê sensassion

de vive in te ‘na föa.

 

Ma se te vegne in cheu

ti strenzi i denti da-o venin…

A neive ch’ê ven zù

da-o çê

silenziosa e fäsa

a peu dâ questa imprescion

ma no l’é vëo…

in to mondo:

GUÆRE, MISEIA, DISPEASSION.

 

 

 

Luigi Cornetto – Dialetto di Genova

 

 

IMPRESSIONE

 

Vorresti arrotolartici

in cima

immergertici dentro,

sentire un momento

la pelle bruciare.

 

Sembra quando cade

di essere in un mondo

di bambini.

 

Il cuore saltella

tutto in giro è pace.

 

Le orecchie di cotone

hai la sensazione

di vivere una favola.

 

Ma se ti viene in mente

stringi i denti dal veleno…

La neve che viene giù

dal cielo

silenziosa e falsa

può dare questa impressione

ma non è vero…

Nel mondo:

GUERRA, MISERIA, DISPERAZIONE.