DISUCÜPASSIUN di Vincenzo Balbis

 

U ha sempre travàjau e ch’ stesse

ben o mà u nu se n’è mai futüu

pé purtà ê cà ina paga ch’ê bastesse

a dà a-a famija cante l’è duvüu.

 

Ma avura che u cancèlu u l’è serau

e unde gh’éira vita u gh’è desertu,

élu che in sce l’ancüüsa u ha süau

e int’u so mesté u l’éira bèn aspèrtu,

 

u nu capisce cume e fràbiche furèste,

che u stabilimentu so i han fau falì,

i posce fa de méju, e élu u rèste

 

cu-e mae in man a cà. Ma a l’è cuscì;

intantu in sce ê so testa auti i stan

i grosci marùusi du poucu sèrtu duman…

 

 

 

Vincenzo Balbis – Dialetto di Sanremo

 

 

DISOCCUPAZIONE

 

Ha sempre lavorato e che stesse

bene o male non se ne è mai infischiato

per portare a casa una paga che bastasse

a dare alla famiglia quanto è dovuto.

 

Ma ora che il cancello è chiuso

e dove c’era vita c’è deserto,

lui che sull’incudine ha sudato

e nel suo mestiere era ben esperto

 

non capisce come le fabbriche forestiere,

che il suo stabilimento hanno fatto fallire,

possano fare meglio, e lui resti

 

con le mani in mano a casa. Ma è così;

e intanto sulla sua testa alti stanno

i grossi marosi del poco certo domani…