In giurnu on lasciàu a mei
tèrra
çercandu nu’ saciu ciü còse:
forsci a funtana d’a zuventü
o l’òuru â fin de l’arcu d’u
sù.
Cu’i ani me son fàu ina ca’,
ina famìglia e in’autra
vita.
Ma, cun tütu lulì, son
restàu
e delòngu seron in furèstu
int’in mundu luntàn dau mei
cö.
Ancöi son returnàu au mei
paìse.
Inandiàndume aviau pe’ in
carrùgiu,
arrivu int’a ciassa d’a
géixa,
ma nu’ vegu nisciün che
cunusciu.
Epüre son crésciüu fra ‘ste
prie.
Gh’è ancùra a platàna antiga,
a méixima vecia funtana
cu’in pa de scařin mézi
früsti.
M’arregòrdu ‘st’àstregu
grixü,
u celu türchìn… e cae… u sù…
Ma i son uramai autri tempi
e me réndu contu, cu’in
sciau,
che ancöi u furèstu son mi!
Roberto Rovelli – Dialetto di
La Mortola
Premio America Latina al
concorso "U Giacuré" 2012
IL FORESTIERO
Un giorno ho lasciato la mia
terra
cercando non so più che
cosa:
forse la fontana della
giovinezza
o l’oro alla fine
dell’arcobaleno.
Con gli anni mi sono fatto
una casa,
una famiglia e un’altra
vita.
Ma, nonostante tutto, sono
rimasto
e sempre sarò un forestiero
in un mondo lontano dal mio
cuore.
Oggi sono ritornato al mio
paese.
Avviandomi rapidamente per
un vicolo,
arrivo nella piazza della
chiesa,
ma non vedo nessuno che
conosco.
Eppure sono cresciuto tra
queste pietre.
C’è ancora il platano
antico,
la medesima vecchia fontana
con un paio di scalini mezzi
consumati.
Mi ricordo questo lastrico
grigio,
il cielo turchino… le case…
il sole…
Ma sono oramai altri tempi
e mi rendo conto, con un
sospiro,
che oggi il forestiero sono
io!
Nessun commento:
Posta un commento