SILENÇIO di Giuliano Balestreri

L’ebano o sperde

in sciô pianofòrte

de marca françeise.

 

Neigro na vòtta. Oua,

gh’é do grixo ch’o sfumma

da-o leggio,

fra i pedali.

 

Giana, a tastea,

assente lontaña,

a vibbra

na nòtta stanca

pe di rimpianti

(e no gh’é chi peu contâli).

 

Tutt’in gio, into salòtto,

quattro pôtroñe strosciæ

e avançi de scemmaie

fòrse stile rococò.

 

D’antigo a sa l’äia:

o spigo consummou,

a viovetta de Parma,

e colònia Paris.

 

Un saluto, comme ’n addio,

da-o ritræto da scignoa,

ch’a sunnava

Rinaldi Becucci,

ch’a cantava

“i tuoi capelli neri”

sott’a-e stampe de l’Otello:

i baxi do primm’atto,

Desdemona mòrta, strangoâ.

 

Oua, o melodramma

o l’é tutto o silençio

do vegio salòtto.

 

 

 

Giuliano Balestreri – Dialetto di Genova

Tratta da “Poesia in Ligure tra Novecento e Duemila” (1900 – 2018) di Alessandro Guasoni – Edizioni Cofine, Roma, 2019, pag. 65 

 

SILENZIO

 

L’ebano sbiadisce

sul pianoforte

di marca francese.

 

Nero un tempo. Ora

c’è del grigio che sfuma

dal leggìo / fra i pedali.

 

Gialla, la tastiera,

assente lontana 

vibra

una nota stanca

per dei rimpianti

(e non v’è chi possa raccontarli). 

 

Tutto attorno, nel salotto,

quattro poltrone rovinate

e avanzi di scemenzuole

forse stile rococò.

 

D’antico sa l’aria:

la lavanda consumata,

la violetta di Parma,

e colonia Paris.

 

Un saluto, come un addio,

dal ritratto della signora,

che suonava

Rinaldi Becucci,

che cantava

“i tuoi capelli neri”

sotto le stampe dell’Otello:

i baci del primo atto,

Desdemona morta, strangolata.

 

Ora, il melodramma

è tutto il silenzio

del vecchio salotto.