DOMAN di Sandro Patrone

Quande smette de ceuve, tutt’assemme,

se sente voxe allegre de figgeu

che lascian casa pe sciortî d’asbrio

comme pollin da nio.

E coran pe ciassette e pe caroggi,

sätando drento a-e posse d’ægua, dove

se vedde quarche tocchettin de çê

cheito in sciô marciapê.

 

Da ’na gronda camoâ ven zu de stisse

che an dæto un baxo a-a reusa in sciâ terrassa,

e recamman ’nn’allegra sarsitua

pe contr’a-a miagia scua.

Vëgnan zu à picco, deformæ da l’äia

ch’a çerca de fermâle, perché a sa

che inte ’na possa d’ægua se perdian

diventando pätan.

 

Anche i figgeu son stisse trasparenti:

nascian, coran, se pösan sovia e reuse

da primma infançia, de l’etæ picciña

sensa trovâ ’na spiña.

Pöi s’arrigoelan pe-a sò stradda, e niatri

vorriëscimo fermâli,

perché inti spegi d’ægua de sto mondo

trovian da bratta, in fondo.

 

 

 

Sandro Patrone – Dialetto di Genova

Tratta da “Poesia in Ligure tra Novecento e Duemila” (1900 – 2018) di Alessandro Guasoni – Edizioni Cofine, Roma, 2019, pag. 71

 

 

DOMANI

 

Quando all’improvviso smette di piovere,

si sentono voci allegre di bimbi

che lasciano casa per uscire di corsa

come pulcini da nido.

E corrono per piazzette e per vicoli,

saltando dentro alle pozzanghere, dove

si vede qualche pezzettino di cielo

caduto sul marciapiede.

 

Da una gronda bucata cadono delle gocce

che hanno baciato la rosa sulla terrazza,

e ricamano un’allegra ricucitura

contro al muro scuro.

Cadono a picco, deformate dall’aria

che cerca di fermarle, perché sa

che in una pozzanghera si perderanno

diventando fango.

 

Anche i bimbi sono gocce trasparenti:

nascono, corrono, si posano sopra le rose

della prima infanzia, dell’età piccola

senza trovare una spina.

Poi rotolano per la loro strada, e noi

vorremmo fermarli, 

perché negli specchi d’acqua di questo mondo

troveranno del fango, sul fondo.