Sempre o me remescia sto
sïo,
'na freida scinfonìa
a momenti derrüo e crïo.
O vento o franze e o ceiga
e parme do viale
e o l'arrissa in moinelli o
mâ
imbriægo de iodio e de sâ.
Co-o robin strassòu
de tull gianco arrissòu
bottèzzan e onde
inte 'n ballo de scciumme
scandïo da montante
bollezzumme
do Bolero de Ravel.
Ma a casa a tramontann-a
filtrâ da-e normali
abitudini,
a l'è solo 'na luxe intensa
che a desgheugge lenta
o fî da mæ essensa
inti canti scüi ascoso.
O gatto rosso, prexonê
volontäio
de 'na gaggia de caresse,
o me s'aggritta in scöso.
Infreddoïo o se scorda d'ëse
fäso
e pe ancheu o no me tïa.
Danila Olivieri – Dialetto genovese
del Tigullio
LE DUE FACCE DELLA
TRAMONTANA
Sempre m'inquieta questo
sibilo
una fredda sinfonia
a momenti schianto e urlo.
Il vento frange e piega
le palme del viale
e arriccia in mulinelli il
mare
ebbro di iodio e di sale.
Con l'abito stracciato
di tulle bianco arricciato
saltellano le onde
in un ballo di schiume
scandito dalla montante
maretta
del Bolero di Ravel.
Ma a casa la tramontana
filtrata da vetri di normali
consuetudini
è solo la luce intensa
che discioglie lenta
il filo della mia essenza
in recessi bui nascosto.
Il gatto rosso, prigioniero
volontario
di una gabbia di carezze
mi si gomitola in grembo.
Infreddolito, dimentica di
essere falso
e per oggi non mi graffia.
Nessun commento:
Posta un commento