A l’è ina vecia bügata
abandunà, bötà int’in cantu
fra ciaràfi cin de püra,
scarpe früste
e in vasu sbrecàu.
Gh’amanca in brassu,
a l’à u vestìu strupelàu,
e spàire masche maciàe
ma, insc’î lèrfi arsagliài,
in po’ de russétu
u gh’è ancù restàu.
Da tempu scordà
pe’ giügheti ciü növi,
urmai a nu’ gh’à ciü nisciün
ch’u ghe fasse ina frasca.
U sòu pecìn cö de péssa
u se strégne ciacrinàu
d’â mařincunia d’i regòrdi
e, cianìn, due làgrime amàre
i ghe stissa dai ögli de
vedru.
Roberto Rovelli – Dialetto di
La Mortola di Ventimiglia
LA BAMBOLA
È una vecchia bambola
abbandonata, buttata in un
angolo
fra cianfrusaglie piene di
polvere,
scarpe consumate
ed un vaso scheggiato.
Le manca un braccio,
ha il vestito a brandelli,
le pallide guance macchiate
ma, sulle labbra screpolate,
un po’ di rossetto
c’è ancora rimasto.
Da tempo dimenticata
per giocattoli più nuovi,
ormai non ha più nessuno
che le faccia una carezza.
Il suo piccolo cuore di
pezza
si stringe addolorato
dalla malinconia dei ricordi
e, lentamente, due lacrime
amare
le gocciolano dagli occhi di
vetro.
Nessun commento:
Posta un commento