L’ÄTRO GIORNO… di Luigi Cornetto

A telefonâ, ‘na voxe… – mi son – …

Scavando in ti recanti da memöia

tanti, mâveggiösi regordi…

se semmo visti.

 

Eivimo allôa

rondaninn-e in çerca d’in nïo.

 

Doveiva e…

a l’é stæta fin troppo crûa,

amäa a deluxon.

L’arpionâ do tempo

a ne ciantâva ‘n agûo ‘n to cheu,

anche se stupidamente

e nostre fäse bocche

çercavan de sböxardâ a realtæ.

 

A rappa doppo disnâ

a l’ëa forte e bonn-a.

 

I saluti… – ciao, se sentiemo. –

 

Mai,mai ciù.

 

 

 

Luigi Cornetto – Dialetto di Genova

1999

 

 

L’ALTRO GIORNO

 

La telefonata, una voce… – io sono – …

Scavando nei cantucci della memoria

tanti, meravigliosi ricordi…

ci siamo visti.

 

Eravamo allora

rondini in cerca di un nido.

 

Doveva e…

e stata fin troppo cruda,

amara la delusione.

L’arpionata del tempo

ci piantava un chiodo nel cuore,

anche se stupidamente

le nostre false bocche

cercavano di smentire la realtà.

 

La grappa dopo pranzo

era forte e buona.

 

I saluti… – ciao, ci sentiremo. –

 

Mai, mai più.