SE di Mario Saredi

Se me vegnìsse

da dìte,

te vögliu bèn,

u sarìa u mumèntu ciü bèlu,

giüstu.

Ma m’aregòrdu

che l’ürtima vòuta

ti hai fàu asprèssu

e ti te sèi girà de là,

cùme se avésse ditu

caicòusa de mà.

Dìme tü cùme fàssu

a dìteru ancù.

L’ürtima vòuta

a sarìa sta chì.

Fàmeru dì’

ancù  ina vòuta

e pöi mài ciü.

Gàrda in po’,

u me stà vegnèndu,

ch’a vàghe cùme a vö,

tu’u dìgu l’istéssu,

“te vögliu bèn”

pöi maiciü.

 

 

 

Mario Saredi – Dialetto di Camporosso

 

 

SE

 

Se mi venisse

di dirti,

“ti voglio bene”,

sarebbe il momento più bello,

giusto.

Ma mi ricordo

che l’ultima volta

hai fatto apposta

e ti sei voltata di là,

come se avessi detto

qualcosa di male.

Dimmi tu come faccio

a dirtelo ancora.

L’ultima volta

sarebbe questa.

Fammelo dire

ancora una volta

e poi mai più.

Guarda un po’,

mi sta venendo.

Vada come vuole,

te la dico ugualmente,

“ti voglio bene”

e poi mai più.