A PANDEMIA di Enrica Carlo

 

A gardu u mundu

ch’u s’inciapüssa inta pandemia.

Sta vita ch’a s’asgaira

sènsa ciü cumpagnia

a sgarbu u tèmpu de per cuscì

I ghe credei? A nu a sun ciü mi.

Aiscì l’amù u a tira in longu,

u s’è persu paa strada

cume ina föja morta

u nu s’indüstria ciü

a secrulà a me porta.

U me destana in ciciö

ch’u canta tra e sciure

du barcun e de repetenun

a me sentu andà de suta sciü,

turna a m’asbiu

inta manega du sù.

A piu l’abrivu, a me vestu de fin,

pe’ fame fa u vacin,

cu a mascarina a me tapu a buca

cuscì ai gresümi a ghe fassu

scangià a ruta.

Alantù a m’acorzu

che u sensu d’a vita

u sta drente de mi

a sun ancù viva, pe’ in po’ basta lolì.

 

 

 

Enrica Carlo - Dialetto di Sanremo

Poesia che ha partecipato al XVI Concorso di Poesia "Giannino Orengo" - Edizione 2021 - Dolceacqua

 

 

LA PANDEMIA

 

Guardo il mondo

che s’impasticcia nella pandemia.

La vita sprecata

senza compagnia.

Buco il tempo in questo modo,

mi credete? Non sono più io.

Anche l’amore temporeggia,

s’è perduto per strada

come una foglia morta,

non s’impegna più

a sbatacchiare la mia porta.

Mi stana un ciuffolotto

Cantando tra i fiori

del balcone

mi sento andare sottosopra,

la vita torna

godo il favore del sole.

Di slancio elegante m’abbiglio.

Mi appresto a farmi vaccinare.

Con la mascherina mi tappo la bocca

Così alle stupidaggini

faccio cambiare rotta.

Allora mi accorgo

che il senso della vita

risiede dentro di me

e per un po’ di questo mi accontenterò.