U CAN DU CARUBIN di Costanza Modena

Trugnettu e pecinotu, ureja pendente,

in tocu de cua purtau cume bandeira

ch’a luciava da a matin a a seira,

negru, lüstrau, cu’ u pé lüxente,

öiju fürbu e de longu atentu…

ina raza paresca a nu gh’eira,

ecu là, u can du Carubin.

 

Ti andaixevi a a Cruixe du Paraixu,

ti te truvaivi pe’ causu a San Martin,

a a Vileta, au Burgu o in u Cian,

a San Romilu, au Pözu, au Rundurin,

u gh’eira sempre u can du Carubin.

 

Dunete, pescaui e maixelà

caicousa i ghe lenasava da mangià;

in sce u mö, au Berigu, inte Resetu

u atruvava de spessu in bucunetu;

u anastava inturnu au rümentà

pe’ truvà pransu e séna pe’ a giurnà.

 

Candu u arivava in cà du so padrun

ina caressa, in caussu e … a culassiun.

 

Cun i agni, vegnüu veju, derucau,

mezu orbu, sensa denti, spelassau,

in te bataje pe’ l’amù d’ina cagneta

u l’eira ancura u primu da Scarpeta.

 

Pöi in giurnu u l’è spariu

e caicün u l’ha atruvau stechiu,

u l’ha cruviu de tera e … u l’è feniu.

Ma se a vegu in can negru, asbiu,

cun i öij fürbi, trugnu e desgurdiu,

a pensu: “Ti vöi vié ch’u l’è so fiju?”

 

 

 

Costanza Modena – Dialetto di Sanremo

 

 

IL CANE DI CARUBIN

 

Tozzo e piccolino, orecchia pendente,

un mozzicone di coda portato come una bandiera

che si muoveva da mattina a sera,

nero, lustro, con il pelo lucido,

occhio furbo e sempre attento,

una razza così non esisteva,

ecco il cane di Carubin.

 

Andavi alla Croce del Palazzo,

ti trovavi per caso a San Martino,

alla Villetta, al Borgo o nel Piano,

a San Romolo, al Poggio, al Rondolino,

c’era sempre il cane di Carubin.

 

Donne, pescatori e macellai

gli gettavano qualcosa da mangiare;

sul molo, al Berigo o nel Resetto

trovava spesso un bocconcino;

annusava intorno al cassonetto dell’immondizia

per trovare pranzo e cena per la giornata.

 

Quando arrivava in casa del suo padrone

una carezza, un calcio e la colazione.

 

Con gli anni, diventato vecchio, malandato,

mezzo cieco, senza denti e spelacchiato,

nella battaglie per l’amore di una cagnetta

era ancora il primo della scarpette.

 

Poi un giorno è sparito

e qualcuno l’ha trovato stecchito,

l’ha coperto di terra ed è finito.

Ma se vedo un cane nero, vivace,

con gli occhi furbi, tozzo e disinvolto,

io penso: “Vuoi vedere che è suo figlio?”