AU CARÀ DU SU di Costanza Modena

Candu a seira a l’èira ciü veixina,

sunau u vespru, u sù deré a a culina,

u me tucava andà a serà e gaine,

pe’ nu lasciare a e gurpe e a e fuine.

 

Mi a l’aixeivu ina puira da nu dì,

pe’ ste foire de bazure e de strie,

che e veje i ne cuntava a nu finì,

in poucu pe lesiun, in po’ pe rie.

 

Au muntà, cande ancù u se ghe vieva,

a trutaivu, sercandu de apaixà

u cö, ch’u acumensava a tremurà

a ogni pecina föja ch’a bugiava.

 

E gaine i l’eira tüte a cuciu,

lesta a giraivu a becüa du spurtelu

e a me lansava in giü, sensa servelu,

cume a fusse asseghia da in gran babaciu.

 

Ma inturnu a mi caicousa u bulegava:

“A snöitura a cumensa a alumentà?

Che ma! A l’ho ascì pijau ina süpà!!"

Sti fantasmi i me se aveixinava…

 

Surve aa cà, e umbre i ralentava;

menu male, a turnaivu a respirà!

Me paire, in po’ riéndu, u m’aspeitava:

“Cume mai che ti sei tüta süà?

 

Ti nu serai cuscì atambanà

da avé puira du scüru, sacranun!

E pöi a te vegu fina ranghezà,

a ghe scumetu, ti hai faitu in rubatun!”

 

“Oh pà, ste puire a nu l’ho mai avüe!

A l’ho lasciau a bürata pe a stradeta,

a u scüru a a vagu a recampà, a l’urbeta,

sutrimenti duman ne trövu due!”

 

 

 

Costanza Modena – Dialetto di Sanremo

 

 

ALL’IMBRUNIRE

 

Quando la sera era più vicina,

sonato il vespro, il sole dietro alla collina,

mi toccava andare a chiudere le galline (nel pollaio)

per non lasciarle preda delle volpi e delle faine.

 

Io avevo una paura da non dire,

per le storie di maghe e di streghe,

che le vecchie ci raccontavano a non finire,

un poco per lezione e un po’ per ridere.

 

Nel salire (per la collina), quando ancora ci si vedeva,

trottavo, cercando di calmare

il cuore, che cominciava a tremare

ad ogni fogliolina che si muoveva.

 

Le galline erano tutte a dormire (nel pollaio),

lesta giravo la maniglia dello sportello

e mi lanciavo in discesa, a rotta di collo,

come se fossi inseguita da un orco.

 

Ma intorno a me qualcosa si muoveva:

“La civetta comincia a lamentarsi?

Che male! Sono anche inciampata!”

Questi fantasmi mi si avvicinavano…

 

Sopra la casa, le ombre rallentavano;

meno male, tornavo a respirare!

Mio padre, un po’ ridendo, mi aspettava:

“Come mai sei tutta sudata?

 

Non sarai così stupida

da avere paura del buio, santo cielo!

E poi ti vedo zoppicare,

scommetto che hai fatto un ruzzolone!”

 

“Oh papà, queste paure non le ho mai avute!

Ho lasciato la bambola per strada,

vado a cercarla al buio, a tentoni,

altrimenti domani ne trovo due!”