venerdì 4 marzo 2022

PÒSSO AMMIÂ INTA VITTA… di Fiorenzo Toso

 

Joaquin Sorolla - Antonio García en la playa, 1909

  

Pòsso ammiâ inta vitta ch’ò visciuo

Coscì comm’oua ammio desfâse l’oa,

Co-a carma dignitæ de chi à sacciuo

Tiâ sciù quarcösa. Tra l’ancheu e l’aloa

 

Staggo, e no m’açimento pe-o futuo

Ch’o no l’é cösa ciù pe mi. Me zoa

Quest’äia fresca, un mâ ch’o pâ velluo,

Un fî d’arzillo. E intanto me demoa

 

Savei che da-o barcon t’ê à domandâte

À cöse daggo a mente. À tutto, a ninte.

M’arresta d’ëse forma: un sentô ræo

 

D’ægua d’ödô e tabacco, un vestî ciæo

Un groppo de crovata. E ciù distinte

Preuve d’ëse existio ch’ò da mostrâte.

 

 

 

Fiorenzo Toso – Lingua genovese

 

 

POSSO GUARDARE DENTRO ALLA VITA

 

Posso guardare dentro alla vita che ho vissuto

così come adesso guardo l’ora che si disfa,

con la calma dignità di chi ha saputo

costruire qualcosa. Tra oggi e allora

 

me ne sto, non mi tormento per un futuro

che più non mi riguarda. Mi giovano

quest’aria fresca, un mare di velluto,

un sottile alito di scoglio. E intanto mi diverte

 

sapere che dalla finestra tu ti stai chiedendo

su cosa io mediti. Su tutto, su niente.

Solo mi rimane essere forma: un rado sentore

 

di colonia e tabacco, un abito chiaro

il nodo della cravatta. Le più eleganti

prove che ho per dimostrarti di essere esistito.

Nessun commento:

Posta un commento