E röise
prunte au puntu de sciurì
aute, gajarde, i faixeva
gran vié.
Fina d’invernu
a sera a l’eira in paradisu
eternu.
E tesuire amurae, pruntu au
travaju,
barba Steva u ciamava so
fiji:
“Stame ben davanti, e
tegnime u brassau!”
Ma stu salopu, in po’
apelandrunau,
ch’u aixeva inveza noma de
giügà,
caiche despeitu u ghe
vuixeva fa.
Cuscì, davanti au paire ch’u
tajava,
elu, cu’ in pessigun ben
assestau
a sima di pumi beli u gh’arancava.
A nu ve digu u barba, che
lamenti,
candu u atruvava e röise
de ste mene:
“A nu capisciu che raza de
assidenti
u gh’è vegnüu a
ste ciante!” e giù giasteme!
U passa in giurnu u prufessù
Carvin,
ch’u andaixeva a San Giuani
cun so fiju;
intramentre ch’u l’eira pe u
camin
u barba u u ciama intimidiu:
“A vurereva in cunseju da
vuscià:
a nu so cous’i han vistu ste
danae,
mi a l’ho pensau a caiche brüta
bega
de güstu
rafinau,
ch’a e ha viste cuscì bele e
a l’ha mangiae”.
Ma u prufessù u nu fa ina
cega,
cun l’öju
aspertu de chi u l’ha stüdiau:
“A nu direva ch’a l’è sta
ina bega,
ma u schersu d’in begun
indiavurau!”
U mei barba u capisce int’in
mumentu,
u ciapa lestu u fiji de pe
in’ureja:
“Pelissun, sta ben atentu
brutu macacu, ch’a te dagu
sveja
e a te destacu a süca
cu’ in lurdun!
A u dì d’ancö nu gh’è ciü
religiun!”
Tron e lampu, e ciante i sun garie,
e meixine i nu sun ciü servie.
E röise i sciuriva, i sciuriva,
u barba u cuiva, u cuiva.
Costanza Modena – Dialetto di Sanremo
LE ROSE CON IL PIZZICOTTO
Le rose, pronte al punto della fioritura,
facevano una gran bella vista.
Anche d’inverno
la serra era un paradiso eterno.
La forbici da potare affilate, pronto la
lavoro,
lo zio Stefano chiamava suo figlio:
“Stammi davanti reggi la bracciata delle rose
raccolte!”
Ma questo monello, un po’ lazzarone,
che aveva voglia solo di giocare,
voleva fare qualche dispetto.
Così davanti al padre che tagliava i fiori,
con un pizzico ben assestato
rompeva le cime ai boccioli più belli.
Non vi dico lo zio, che lamenti,
quando trovava le rose in questo stato:
Non capisco che razza di accidenti
È venuto a queste piante!” e giù bestemmie!
Passa, un giorno, il prof. Calvino,
che andava a San Giovanni con suo figlio:
mentre era per la strada
lo zio lo chiama, un poco intimidito:
Vorrei un consiglio da voi…
Non so cos’hanno visto queste (rose) dannate,
io ho pensato a qualche brutto bruco
di gusto raffinato,
che le ha viste così belle e le ha mangiate”.
Ma il professore non ha fatto una piega:
“Non direi che è stato un bruco,
ma lo scherzo di un cervello indiavolato”.
Mio zio capisce in un momento,
prende veloce il figlio per un’orecchia:
“Pellaccia, stai bene attento,
brutto scimmione, che ti do la sveglia
e ti stacco la testa con una sberla!
Al giorno d’oggi non c’è più religione!”
Immediatamente le piante sono guarite
e non sono più servite le medicine per
curarle.
E le rose fiorivano, fiorivano,
lo zio raccoglieva, raccoglieva.
Nessun commento:
Posta un commento