OSSO DE PERSEGO di Edoardo Firpo

 

Quande de votte lezo in to Çigaa

che unna mattin lazzù a San Donòu

là sotta a quelli archetti a sesto acuto

che arezan o presente cô passòu,

amô unna freccia affiâ o gh’à asbriòu

tanto da faghe poi coscì cantâ:

 

«De gianco a l’ea quello dì vestïa

e una sciô bella a me parèiva lì

drento una tassa de læte purìa.

– Chi è quella gentï figgia? – dissi mi –

In mezo dro mâe chêu proprio voi stâe

Comme un osso de persego arreixâ – »

quelle parolle ancon sentï me pâ

e l’anima che drento a ghe sospïa

ogni votta che là devo passâ

e veddo e tocco quell’antica prïa.

 

Quante votte a mattin a gh’è nasciùa!...

Odô de bosco o gh’arrivava ancon

da Cavignan coverto de verdùa.

L’aia e l’êa queta e tepida e purïa.

 

 

 

Edoardo Firpo – Dialetto di Genova

 

 

NOCCIOLO DI PESCA

 

A colte quando leggo nel Cigala

che una mattina vicino a San Donato,

sotto a quegli archetti a sesto acuto

che reggono il presente e il passato,

Amore una freccia acuta gli ha scagliato

Tanto da farlo poi così cantare:

 

«Di bianco ella era quel dì vestita

e un bellissimo fiore mi pareva

dentro una tazza purissima di latte.

– Chi è quella gentil fanciulla? – chiesi io –

Proprio nel mezzo del cuor mio voi state

come il nocciolo della pesca – »

quelle parole udire ancora mi pare

e l’anima che dentro vi sospira

ogni volta che là devo passare

e vedo e tocco quell’antica pietra.

 

Quante volte il mattino vi è nato!...

Odor di bosco vi arrivava ancora

da Carignano coperto di verzura.

L’aria era queta e tiepida e pura.