Tò figgio o l’é morto
o l’è morto
in sce ‘na ciassa
co-i libbri
sôtto
a-o brasso
mentre e sirene
ûrlavan da battichêu
e quarchedûn o
scappava
doppo avei tiòu ‘na rissoâ.
O t’ha çercòu
con quelli êuggi
che lûxivan
pin de freve
o te ciammava
sempre ciù cianin
con ‘na voxinn-a sottî
cômme ‘na aa
de ‘na farfalla.
Tutto l’è finîo
cômme ‘na buffâ de
vento
e ti
ti caëzi
quella fronte
de marmo
bagnâ da-e to lägrime
con ‘na man callosa
delicâ cômme ‘na ciûmma.
Òua
con i êuggi stralûnæ
no ti sæ
chi ti devi maledî
perché o dô
o t’ha arröbòu
a raxôn.
Luigi Cornetto – Dialetto di Genova
E’ MORTO
Tuo figlio è morto
è morto
su di una piazza
con i libri
sotto al braccio
mentre le sirene
urlavano da batticuore
e qualcuno scappava
dopo aver tirato una sassata.
Ti ha cercato
con quegli occhi
che luccicavano
pieni di febbre
ti chiamava
sempre più piano
con una vocina sottile
come un’ala
di una farfalla.
Tutto è finito
come un soffio di vento
e tu
carezzi quella fronte
di marmo
bagnata dalle tue lacrime
con una mano callosa
delicata come una piuma.
Ora
con gli occhi stralunati
non sai
chi devi maledire
perché il dolore
ti ha rubato
la ragione.
Nessun commento:
Posta un commento