MUNTÀUTU di Vincenzo Jacono

 
       Montalto (Imperia) - Valle Argentina

 

Ribèli, in tempu, aa tirania cuchina

D’u Conte d’a Cuntea de ste valae,

Se sun chì sciü e to gente barragnae;

Pœi sun carae, ardie, a fa meschina

 

A so bòria e a redüixiru in ruvina.

Riche d’àiga e to fasce, i sun trassae

A vigne, a orti, e urivi ch’i cunfina

Cun gaiarde de pin lasche bulae.

 

Inta to terra ti hai Campu de Marte,

Che aa libertà intemelia, contru e sciorte

Rumane, ahimì, u l’è stau Campu de morte…

 

Tü, cüna d’eruismu, e ascì de l’arte,

Mons Autus, sci u to bricu, acurchiau,

Ai grandi Brea, pitui, vita ti hai dau.

 

 

 

Vincenzo Jacono – Dialetto sanremasco

 

 

MONTALTO

 

Ribelli, un tempo, alla tirannia dello jus primæ noctis

Del Conte della Contea di queste vallate,

Si sono qui su le tue genti barricate;

Poi sono scese, ardite, a fare meschina

 

La sua boria e a ridurlo in rovina.

Ricche d’acqua le tue terrazze, sono adibite

A vigne, a orti, e ulivi che confinano

Con gagliarde cedevoli macchie di pini.

 

Nella tua terra hai Campo di Marte,

Che alla libertà intemelia, contro le orde

Romane, ahimè, è stato Campo di morte…

 

Tu, culla di eroismo, e anche dell’arte,

Montalto, sul tuo bricco, aggrovigliato,

Ai grandi Brea, pittori, vita hai dato.