FUSSAI di Gabriella Gismondi

Sanremo - Il ponte vecchio - Foto web

Canti de cheli

ch’i camina afrairai

int’u burdelu,

i san de caminà

in sci-i fussai de Sanremu?

Sulu i veji sanremaschi

i sente suta a péle

de strade

e vene d’aiga

che dau Cagiu e da Bignun

i cara giü

aa marina.

I vén i scöji söiri,

i bii ch’i bagna orti e giardin

e röe di defissi

ch’i gira

pe’ franze e urive;

e done cu-ê conca

in sci-u pajassu

ch’i van a lavà in giaira

i drapi;

i fiöi ch’i giöga a lapüssà,

i van pe’ brancüi, anghile e ragnugne

e i garda, siti, e crave müte;

e müre ch’i passa i ponti

cu-i barì pe’ soma;

i sente l’aiga ch’ê sbate

e ciacere

e campane

e ancöi… SILENSIU!

 

 

 

Gabriella Gismondi – Dialetto di Sanremo

 

 

FOSSATI

 

Quanti di quelli

che camminano frettolosi

nel rumore,

sanno di camminare

sui fossati di Sanremo?

Solo i vecchi sanremaschi

sentono sotto la pelle

delle strade

le vene d’acqua

che dal Caggio e da Bignone

scendono giù al mare.

Vedono gli scogli lisci,

i beodi che bagnano orti e giardini

le ruote dei frantoi

che girano

per frangere le olive;

le donne con la conca

sul torcione

che vanno a lavare sul greto

la biancheria;

i bambini che giocano a sciabordare,

vanno per granchi, anguille e rane

e guardano, zitti, le capre mute;

i muli che passano i ponti

con i barili per carico;

le chiacchiere

le campane

e oggi… SILENZIO!