No sò che brixa a t’à
arrembou da-a riva
di dexidëi,
mai tanto d’antevedde
quello chi poeiva ëse.
Ma sò che vento, scuo, sensa
trattegno
o t’à sponciou à l’amâ,
e do tò barco
ch’o n’à d’agiaxo
o l’à fæto bordello.
E i euggi sæ con che
t’ammiësci
fanæ lonten,
atro no desfiguan
ch’ombre into grixo,
grandestin de ti mæximo
ti desbarchiësci
a-o primmo pòrto,
ma no ghe n’é,
e t’arresti prexonê
de quello scâ che t’æ perduo
pe delongo.
Fiorenzo
Toso – Dialetto di Arenzano
Dalla raccolta “Navegante” – Zona Edizioni
CLANDESTINO DI TE STESSO
Non so quale brezza ti ha
avvicinato alla riva
dei desideri,
così vicino da intravedere
ciò che avrebbe potuto
essere.
Ma so quale vento, scuro,
incontenibile
ti ha risospinto al largo,
e del tuo bastimento,
privo della barra del timone
ha fatto quel che ha voluto.
E gli occhi salati con cui
vorresti scrutare
fari lontani,
scorgono soltanto
ombre nel grigio,
clandestino di te stesso
vorresti sbarcare
al primo porto,
ma non ce ne sono,
e rimani prigioniero
dello scalo che per sempre
hai perduto.
Nessun commento:
Posta un commento