Neigro comme o carbon
cö péi curto ch'o lûxe
con i riflessi argentæ de l' antracite.
Euggi profondi e neigri comme a peixe,
euggi de braxa che ghe servan pe parlâ,
fâse capî, comunicâ.
Ne grosso ne piccin, mesûa de mëzo,
questo o l'è o can de Chiaffredo
che forse pe levâse 'n sfizio
o gh'ha dæto 'n nomme strano
o l'ha ciammòu Domizio comme l'Imperatô romano.
Amixi e parenti
o chi con 'na caressa o çerca a sò amicizia
o pò piggiâ licensa e dîghe solo “Domi”
e lê o saiä feliçe de questa confidensa.
Pe-o resto o l'è 'n can
che invece de 'n padron o l' ha trovòu 'n amigo
e tanto o l'è o ben che gh'è tra liatri duì
che a veddîli insemme o pâ 'n quadretto antigo.
Quande a-a mattin Chiaffredo
o parte in bicicletta (con a cadenn-a rotta)
p' andâ a stûdiâ o latin, Domizio in ta stansiëta
o l' aspëta o sò ritorno con 'na cäsetta in bocca
e guai a chi ghe-a tocca...
Matto de contentessa e de feliçitæ
quande finalmente Chiaffredo o fa ritorno
o pâ o diäo de l'Inferno, ûn töu sensa cavessa:
o säta, o cöre, o baja, o beive,
o mescia a cöa a-o pao de 'na ventoela..
Insomma a questo can
g'ammanca a parolla pe ëse ûn cristian,
ma s'o l'avesse quella -me ghe zeugo i penati-
o saieiva certamente o re di avvocati!!
Renzo Ferrero – Dialetto di Genova
1994
DOMIZIO (Il cane di Chiaffredo)
Nero come il carbone,
col pelo corto che luce
con i riflessi argentati dell' antracite;
occhi profondi e neri come la pece,
occhi di brace che gli servono per parlare,
farsi capire, comunicare;
ne grosso ne piccolo, misura di mezzo,
questo è il cane di Chiaffredo che,
forse per togliersi uno sfizio,
gli ha dato un nome strano
chiamandolo “Domizio” come l' Imperatore romano.
Amici e parenti
o chi con una carezza cerca la sua amicizia
può prendersi licenza di dirgli solo “Domi”
e lui sarà felice di questa confidenza.
Per il resto è un cane
che invece di un padrone ha trovato un amico
e tanto è il bene che vi è tra loro due
che a vederli assieme sembra un quadretto antico.
Quando al mattino Chiaffredo
parte in bicicletta (con la catena rotta)
per andare a studiare il latino, Domizio nella stanzetta
aspetta il suo ritorno con un calzino in bocca
e guai a chi glielo tocca.
Matto di contentezza e di felicità
quando finalmente Chiaffredo fa ritorno
sembra il diavolo dell' inferno, un toro senza cavezza:
salta, corre, abbaia, beve
e muove la coda come una ventola.
Insomma a questo cane
manca la parola per essere un cristiano
ma se avesse quella -scommetto i miei penati-
sarebbe certamente il re degli avvocati!!
Nessun commento:
Posta un commento