A VEJA di Costanza Modena

Sti tempi andai, sensa televisiun,

e seirane i eira longhe da passà:

i veixin i vegniva a ciaciarà

in cunfidensa, a dile cume i sun.

 

U ghe n’eira pe’ i beli e pe’ i brüti,

sti discursi i cunusceva tüti,

e storie i girava pe’ ogni cà

sensa telefunu, a gran velucità.

 

Ognün u n’aixeva una da cuntà,

e i autri a rie, a azunzighene in poucu,

specie e done, in to so ciapetà,

e vuixe basse, cu’ in bisbiju roucu.

 

Cheli che i s’aissava pe’ andà a cà,

che a l’induman i duixeva travajà,

cun rincrescimentu i ne lasciava

perché in cumpagnia i se demurava.

 

Nui fijöi a l’eirimu in tu giögu:

a ciatà, catru cantui, u paradiizu,

e di autri, ma u ciü belu a mei avizu,

u l’eira fa in schersetu a caiche amigu.

 

Caicün u andaixeva a fasse vivu,

duve u se cuntinuava a parlatà,

u vuixeva savé per che mutivu

u se sentiva spessu sghignassà.

 

Ma sübitu silensiu u se faixeva:

elu u nu se duixeva imbarassà

de couse che i ciü veij i se cuntava,

u nu saixeva tegnì a buca serà.

 

Cande a veja a finiva, tüti in pei,

e done i radünava i soi fijöi.

A se salüaimu , in poucu apenechii,

za u sonu u nu tegniva i öij ciüi.

 

 

 

Costanza Modena – Dialetto di Sanremo

 

 

LA VEGLIA

 

In passato, senza televisione,

le sere erano da trascorrere:

i vicini venivano (a casa) per chiacchierare

in confidenza, a dire le cose come sono.

 

Ce n’era per i belli e peri brutti,

questi discorsi li conoscevano tutti,

le storie giravano per ogni casa

senza telefono, a gran velocità.

 

Ognuno ne aveva una da raccontare,

gli altri a ridere, a aggiungerne un pezzo,

specie le donne, nel loro spettegolare,

a voce bassa, con bisbiglio roco.

 

Quelli che si alzavano per andare a casa,

ché l’indomani dovevano lavorare,

ci lasciavano con gran rincrescimento,

perché di divertivano in compagnia.

 

Noi bambini ci davamo ai giochi:

a nascondino, ai quattro cantoni, a paradiso

e altri, ma il più bello a mio parere

era fare uno scherzetto a qualche amico.

 

Qualcuno (di noi) andava a farsi vivo,

dove si continuava a parlare,

voleva sapere per che motivo

si sentiva spesso sghignazzare.

 

Ma subito si faceva silenzio:

lui (il bambino) non si doveva interessare

delle cose che si raccontavano i più vecchi,

non sapeva tenere la bocca chiusa.

 

Quando la veglia finiva, tutti in piedi,

le donne radunavano i loro figli.

Ci salutavamo un poco addormentati,

già il sonno ci teneva gli occhi chiusi.