NÒNU GIÒCU di Romano Nicolino

‘N puncia d’ pé ti t’ n’è andau

int’ina förgia giurnò d’in luntan znò.

In sé, trištè cume u me cö

U lasciòva tumbò lacrime giasòi.

Ti hòi srau cujì ina vita d’ travaiu,

d’ tantu travaju.

Ancu t’ vugu quabdu, cun u bursun a tracola

ti dištribuivi a pošta;

quandu stau davanti aa to tabia,

ti cüjivi ina šcòrpa;

ma anche quandu, inte fesctè d’ paize,

t’eri in bròvu camré.

T’ vegu ancu e t’ricordu,

ma pösciu nen perdunòme

d’ nen estè stu davijin quandu ti t’ n’è andau.

 

 

 

Romano Nicolino – Dialetto ligure di Garessio

 

 

NONNO GIACOMO

 

In punta di piedi te ne sei andato

in una fredda giornata di gennaio.

Un cielo triste come il mio cuore

lasciava scendere lacrime ghiacciate.

Hai chiuso così una vita di lavoro,

di tanto lavoro.

ancora ti vedo, quando, col borsone a tracolla,

distribuivi la posta;

quando seduto al tuo deschetto,

cucivi una scarpa;

ma anche quando, nelle feste di paese,

eri un bravo cameriere.

Ti vedo ancora e ti ricordo,

ma non posso perdonarmi

di non esserti stato vicino quando te ne sei andato.

 

VIALE PIO VII di Angelo De Ferrari

Äti scilensi de giornæ desteise

co-o mâ antigo che o no sa e stradde

de nuvie rosse into çe turchinetto

 

amô de lontananse

che an reduto in ninte a nòstra vitta.

 

Inte un cheu neigro no gh’è ciù refuggio

òua che stanche äe se àrvan lente

sott’a-e sciammade de sto sô de luggio.

 

 

 

Angelo De Ferrari – Dialetto di Genova

VIALE PIO VII

 

Alti silenzi di giornate stese

con il mare antico che non conosce le strade

delle nuvole rosse

ne cielo turchino

 

amore di lontananze

che hanno ridotto a nulla la nostra vita.

 

In un cuore nero non c’è più rifugio

adesso che stanche ali si schiudono lente

sotto le vampe di questo sole di luglio.

TÉMANSA di Roberto Rovelli

 

Ina veřa gianca sbatùa

d’â füria d’ina véntà raménga,

marusi cun creste de scciüma

ch’i  se scurre arragiài.

Ina nìvuřa neigra d’aighe

strassà d’â burasca,

tache insce d’anscetà

ch’i fragela a pele scurà.

Témansa ch’a strégne u cö

int’ina morscia ch’a leva u sciàu.

 

 

 

Roberto Rovelli – Dialetto di La Mortola      

 

 

TIMORE

 

Una vela bianca sbattuta

dalla furia di una ventata errante,

cavalloni con creste di schiuma

che si rincorrono arrabbiati.

Una nuvola nera di pioggia

stracciata dalla burrasca,

goccie gonfie d’ansia

che flagellano la pelle inzuppata.

Timore che stringe il cuore

in una morsa che toglie il fiato.

OMMO MODERNO di Luigi Cornetto

Te pâ d’ëse

un gladiatô romano

o un cavaggëo co-a corassa

drento a quella scatoetta

de lamma de tante tinte.

 

Ti passi pe-e stradde da çittæ

amminado con ‘na faccia da lerfoin

chi te passa vixin.

 

Ti te senti un lion

un gigante

ti vorriesci furminâ

chi l’ha o muro de sorpassâte,

ninte, nisciun te fa puia.

 

Poi

t’ë torna a pë

alloa ti te trasformi in te ‘n ometto

con un cheu de coniggio.

 

 

 

Luigi Cornetto – Dialetto di Genova

 

 

UOMO MODERNO

 

Ti sembra di essere

un gladiatore romano

o un cavaliere con la corazza

dentro ê quella scatoletta

di latta di tante tinte.

 

Passi per le strade della città

guardando con una faccia da schiaffi

chi ti passa vicino.

 

ti senti un leone

un gigante

vorresti fulminare

chi ha il muso di sorpassarti,

niente, nessuno ti fa paura.

 

Poi

sei nuovamente ê piedi

allora ti trasformi in un ometto

con un cuore da coniglio.

A LALA BIGIN di Gabriella Gismondi

U me pa

ancù de viela

a lala Bigin

cun a lensurà de l’erba

in sci-a tésta

ascaixi assubacà 

dau péesu,

sensa scurdasse mai

carche sciureta

in sima, pe belessa!

Càrega de sporte,

de cavagne,

üna pe’ brassu

cene de sücui,

de pumate,

de limui, mandarin

e de ceréixe,

de chelu ch’u gh’éira

int’a campagna da Furnaixa:

cante giurnae

a l’ha passau lasciü

a cöje a reu e urive

in zenujun!

Canta pasciun

pe’ e sciure du so giardin:

semenae,

bagnae,

puae,

sbuzae,

de tüte e mene,

de tüti i curui,

a l’aixeva a magigura

int’u fa e butüre

e a fale pià…

e vié in pumu

che u se druviva

u l’éira

sempre ina sciala!

 

 

 

Gabriella Gismondi – Dialetto di Sanremo

 

 

LA ZIA BRIGIDA

 

Mi sembra

ancora di vederla

la zia Brigida

con il fagotto dell’erba

sulla testa

quasi sepolta

dal peso,

senza dimenticarsi mai

qualche fiore

in cima, per bellezza!

Carica di sporte,

di cestini,

uno per braccio

pieno di zucchine,

di pomodori,

di limoni, mandarini

e di ciliegie,

di quello che c’era

nella campagna di Fornaci:

quante giornate

ha passato lassù

a raccogliere a raso le olive

ginocchioni!

Quanta passione

per i fiori del suo giardino:

seminati,

innaffiati,

potati,

ê togliere quelli acerbi,

di tutte le varietà,

di tutti i colori,

aveva la magia

nel fare le talee

e a farle apprendere…

e vedere un bocciolo

che si apriva

era

sempre una gioia!

 

SAGÀTE diMario Saredi

U l’ha fenìu de muntà,

u l’ha simàu.

Sagàte e sagàte 

i se sùn dàe da fa

pe’ ciü de élu muntà.

E i sùn muntàe

ma delòngu sagàte

i sùn arestàe.

E de lasciü,

pàire, pàire,

co’ ti fài lagiü?

Mùnta aiscì tü,

nùi semu chì

e de aurìve vagagiü,

ne fému cùme tü,

se nù de ciü.

 

 

 

Mario Saredi - Dialetto di Camporosso

2013

 

 

Virgulti

 

Ha finito di salire,

le ha cimate.

Virgulti e virgulti

si sono date da fare

per più di lui salire.

E ancora un po’ sono salite

ma  sempre  virgulti

sono rimasti.

E di lassù,

padre, padre,

cosa fai laggiù?

Sali pure tu,

noi siamo qui

e di olive in quantità,

ne facciamo come te,

se non di più.

PARLO ZENEISE di Angelo De Ferrari

.            Chiesa di Santa Marta - Piazza Corvetto, Genova
 

Parlo zeneise drento geixe antighe

quando no gh’è nisciun a angosciâ i santi,

parlo da solo a-e candeie amighe

che fan ciù neigro o neigro di recanti,

 

gh’è quarchedun che fermo lì o l’aspëta

questo parlâ de drento sensa voxe,

o discorso in zeneise o no l’à meta

ma en confidense pe chi, appesio in croxe

 

da sempre o l’è avviòu a sentî de tutto.

Parlo zeneise con chi me capisce

scibben che Lê o taxe e mi son mutto

 

pe dîghe megio o dô che o me dà gena,

pe fa sciortî da-o cheu e mille bisce

de questo mâ de vive che o l’è Zena.

 

 

 

Angelo De Ferrari – Dialetto di Genova

 

 

PARLO GENOVESE

 

Parlo genovese nelle chiese antiche

quando non c’è nessuno a importunare i santi,

parlo da solo alle candele amiche

che fanno più buio il buio degli angoli,

 

c’è qualcuno che immobile aspetta

questo parlare di dentro senza voce,

il discorrere in genovese non ha meta

ma sono confidenze fatte a chi, appeso alla croce,

 

da sempre è abituato a sentire un po’ di tutto.

Parlo in genovese con chi mi capisce

anche se Lui tace ed io resto muto

 

per spiegargli meglio il dolore che mi tormenta,

per liberare dal cuore le mille serpi

di questo mal di vivere che è Genova.