Int’i ani sübitu dopu a
Segunda Ghèrra Mundiale,
candu e gente i çercava de
retruvà in stissìn
de l’ümanità pèrsa, speràndu
int’ina vita nurmale,
a A Murtuřa, au catorze de
Setembre, gh’eira u festìn
d’a Santa Cruxe; au giurnu,
géixa, méssa, pruscesciùn,
ma â séira, int’ê fàsce d’a
Ciabauda, a l’avèrtu u se balava
pe’ salüà a fin de l’estae e
u scangiamentu de stagiùn.
In parchétu suvénte ciü
früstu d’ê scarpe ch’i u pistava,
ma rèn ch’ina nevàda de
borutàrcu a nu’ purresse meigà.
Ina fiřa de bandeiréte de
papé, apése a catru scarasse,
asséme a poche lampadìne,
cun aumancu üna delòngu brüxà
e caiche caréga, magara
deřuscià, spantegà a l’avirùn
p’assetàsse.
Due tòuře sciü cavaléti,
cu’ina téřa inçéirà, pe’ tauřìn,
bribite fresche int’ina tina
de zingu cu’ina bàrra de giàssa,
gòti, fiàschi, butéglie e
fina ina damixanéta de vin,
in testu untu cun tòchi de
pisciadela, turtelu e fügassa
e tütu réscciairàu dau
sciüsciu de lüxe gianca d’in’acetilena.
I figliöi i se scurratava
burdelùsi giögàndu a réndise a pata
e ina cubiéta a çercava in
cantùn scüru pe’ caregnà sença géna;
ma, candu a müxica a
cumençava, i s’arrécampava tüti a l’intrata
e, mustràndu e gigiòle
puntàe insce camixe, camixöre e camixéte,
i se meteva a balà cun güstu
e abandùn sença pensà au dumàn.
Tanghi, mażùrche, varsi e
fina caiche “fostrò”, cun passi e piruéte
da fa girà a tésta a mirà e
cubie ch’i l’ava pigliàu l’asvàn.
Trei o catru müxicànti, de
següru nu’ da cuncèrtu, i sonava
pe’ ure bagnànduse u bécu a
ciache ucaxiùn; cun tütu ‘stu vin,
s’i pèrdeva ina nòta o u ghe
scapava ina stéca, nisciün u gh’abadava
percose tüti, zùveni,veci,
grandi e pecìn i se scialava d’esse au festìn.
Ancöi a A Murtuřa i ghe son
noma arrestài ciüamenu catru gati;
cu’i veci lasciü au
“Pingrossu” e i zùveni urmai tüti spantegài,
au giurnu d’a Santa Cruxe,
nu’ se custüma ciü féstegià, defati
avù int’ê fàsce d’a Ciabauda
gh’è ina strada cun vile e cancéli serrài
dùve i furèsti i ven in
vacansa d’estae pe’ pöi, cu’u fréidu, scapà cume rati.
U preve, dopu a méssa, u
serra fina a géixa... i tempi i son propiu scangiài!
Roberto
Rovelli – Dialetto de La Mortola
Poesia che ha partecipato al concorso
“Bellissimi Vers – 2017” dal tema “Le Nostre Feste” – Dolcedo
IL FESTEGGIAMENTO DELLA
SANTA CROCE
Negli anni subito dopo la
Seconda Guerra Monsiale,
quando la gente cercava di
ritrovare un pochino
dell’umanità persa, sperando
in una vita normale,
a La Mortola, al quattordici
di Settembre, c’era il festeggiamento
della Santa Croce; durante
il giorno, chiesa, messa, processione,
ma alla sera, nei ripiani
della Ciabauda (1), all’aperto si ballava
per salutare la fine
dell’estate ed il cambiamento di stagione.
Un palchetto spesso più
logoro delle scarpe che lo calpestavano,
ma nulla che una nevicata di
borotalco non potesse rimediare.
Una fila di bandierine di
carta, appese a quattro pali,
assieme a poche lampadine,
con almeno una sempre bruciata,
e qualche sedia, magari
sgangherata, sparsa attorno per sedersi.
Due tavole su cavalletti,
con una tela incerata, come tavolino,
bibite fresche in una
tinozza di zinco con una sbarra di ghiaccio,
bicchieri, fiaschi,
bottiglie e perfino una damigianetta di vino,
una teglia unta con pezzi di
pisciadela, torta di verdura e foccaccia
e tutto illuminato dal
soffio di luce bianca di una lampada a carburo.
I ragazzini si rincorrevano
chiassosi giocando a rendere la toccata
e una coppietta cercava un
angolo buio per amoreggiare senza impaccio;
ma, quando la musica
cominciava, si radunavano tutti all’entrata
e, mostrando i nastrini
appuntati con lo spillo su camicie, giacche e camicette,
si mettevano a ballare con
piacere e abbandono senza pensare al domani.
Tanghi, mazurche, valzer e
perfino qualche “foxtrot”, con passi e piroette
da far girare la testa a
guardare le coppie che avevano preso lo slancio.
Tre o quattro musicisti,
certamente non da concerto, suonavano
per ore bevendo ad ogni
occasione; con tutto questo vino,
se perdevano una nota o gli
scappava una stecca, nessuno ci faceva caso
perché tutti, giovani,
vecchi, adulti e bambini se la godevano al festeggiamento.
Oggi a La Mortola sono
solamente rimasti più o meno quattro gatti;
con i vecchi lassù al “Pingrosso”**e
i giovani ormai tutti sparpagliati,
al giorno della Santa Croce,
non si usa più festeggiare, infatti
ora nei ripiani della
Ciabauda c’è una strada con ville e cancelli chiusi
dove i forestieri vengono in
vacanza d’estate per poi, col freddo, scappare come topi.
Il prete, dopo la messa,
chiude perfino la chiesa... i tempi sono proprio cambiati!
* Ciabauda: località alla periferia del paese
** Pingrosso:
riferito al cimitero del paese
