A duixeivu imparà a fa da mangià!
Me maire a u ripeteva tüte e vöte:
“Ti te devi destrigà!
Ancöi u tuca a tü sta da e pignate!”
A m’ha faitu desgrandunà di ponsci:
“Avura fa in sufriitu in ta paela,
cande a sevula a l’è in po’ murela
ti azunzi i ponsci, ch’i seje beli ensci”.
Pöi a se n’è andà in tu masaghin
e mi sun arestà lì cu’ u pignatin.
“A cöixu avura o a l’aspeitu ancù?
Forsci u l’è meju se a cumensu avù”.
Pe u sufritu a me a sun cavà,
a sevula i öij a faixeva lagrimà,
ma a duixeivu demustrà a me maire
ch’a nu saixeivu noma cuntà foure!
Cande i ponsci a l’ho messu int’a paela
gira e rigira, caicün u sciurtiva
a i recampaivu e a i rimeteivu drente…
cheli che nu atruvaivu… in assidente!
Ma a gh’aixeivu messu tantu öriu,
e in fin sti ponsci, ne*ri de carbun,
i han cumensau a s-ciupà, a fa in sce u seriu,
cume i föghi da Madona, sacranun!
Me maire a l’è arivà cu’ u faturisu:
“Ti hai za preparau? Fame vié,
a sun propiu cüriuusa de savé
se ancöi ti te meriti in aplausu!”
e i ponsci i eira lì, unti e ne*ri,
ne*ra a paela, tütu ne*ru inturnu,
menu male che u nu l’eira mezugiurnu,
sutrimenti gh’eira poucu da sta alegri!
Costanza Modena – Dialetto di Sanremo
I PISELLI COTTI
Dovevo imparare a far da mangiare,
mia madre lo ripeteva tutte le volte:
“Devi saperti arrangiare,
oggi tocca a te stare dietro alle pentole!”
Mi ha fatto sbucciare dei piselli:
“Adesso fai un soffritto nella padella,
quando la cipolla è un po’ scura
aggiungi i piselli, che siano belli gonfi”.
Poi se ne è andata in magazzino
e io sono rimasta lì, con la pentola:
“Cuocio ora o aspetto ancora?
Forse è meglio che io cominci adesso”.
Per fare il soffritto me la sono cavata,
la cipolla mi faceva lacrimare gli occhi,
ma dovevo dimostrare a mia madre
che non sapevo solo raccontare storie.
Quando ho messo i piselli nella padella,
gira e rigira, qualcuno usciva ,
lo raccoglievo e lo rimettevo dentro…
quelli che non ritrovavo… un accidente!
Ma io avevo messo troppo olio (nella padella)
e alla fine questi piselli, neri come il
carbone,
hanno cominciato a scoppiare, a fare sul serio,
come i fuochi d’artificio ad agosto,
accipicchia!
Mia madre è arrivata col sorriso:
“Hai già preparato? Fammi vedere,
sono proprio curiosa di sapere
se oggi ti meriti un applauso!”
I piselli erano lì, unti e neri,
nera la padella, tutto nero intorno,
per fortuna non era ancora mezzogiorno,
altrimenti c’era poco da stare allegri!
