U se duixeva vutà dopu sta
ghera
e fina e done i aixeva stu
diritu.
Me maire, a nona e a lala i
aixeva diitu
de andà cun ele, sensa fa a
magnera.
Pe’ strada i cuntinuava a
mugugnà:
«Vutà, vutà, roba da servelui,
a nui done, lasciàine i gunelui,
unirigà petiti e pulì cà!
Re, regine, repüblica e pulitica
i sun de longu e mèixime facende;
nui belinui, ch’a famu tanta critica,
a ghe pagamu i pransci e ascì e merende!»
In tu segiu u s-ciupava u finimundu:
omi, zuine, vejeti, chi arivava,
chi u ratelava, che se ne fregava,
chi u vuixeva esse u primu e nu u segundu.
Cande infin e tre done i han finiu,
versu u casun se semu incaminae,
ancura in poucu tüte afrairae;
me maire a me tegniva de pe in diu.
A in sertu puntu a lala a l’è sbutà:
«Ma couse i gh’avei scriitu in sce u papé?»
Me maire a gh’ha risposto rassegnà:
«mi a l’ho duvertu e a ghe l’ho dau in deré!»
E a lala: «ma mi nà, mi a l’ho firmau!»
A nona a me paixeva in po’ genà…
«Mi u föju a l’ho in ta staca, a nu l’ho dau!»
Me maire preocüpà a se gh’è girà:
«Ma co’ ti dì, su te sente caicün!
Ma ti u sai che ti poi finì in preixun?
Strassa u papé e andamusene a cà…
Stu vutu, couse i ne l’han daitu a fa?!»
Costanza Modena – Dialetto di Sanremo
IL VOTO ALLE DONNE
Si doveva votare dopo questa guerra
e anche le donne avevano questo diritto.
Mia madre, la nonna, la zia avevano detto
di andare con lei, senza fare la monella.
Per la strada continuavano a brontolare:
«Votare, votare, roba da cervelloni,
a noi donne, lasciateci i grembiuli,
allevare bambini e pulire la casa!
Re, regine, repubblica e politica
sono sempre le solite faccende;
noi stupidi, che facciamo tanta critica,
paghiamo loro i pranzi e anche le merende!»
Nel seggio scoppiava il finimondo,
uomini, ragazzi, vecchietti, chi arrivava,
chi litigava, chi se ne fregava,
chi voleva essere il primo e non il secondo.
Quando infine le tre donne hanno finito,
verso casa ci siamo incamminate,
ancora un po’ tutte emozionate,
mia madre mi teneva con un dito.
A un certo punto la zia è sbotta:
«Ma cosa avete scritto sulla scheda?»
Mia madre ha risposto rassegnata:
«Io l’ho aperta e gliel’ho data indietro!»
E la zia: «Ma io no, io l’ho firmata!»
La nonna mi sembrava un po’ intimidita…
«Io il foglio l’ho in tasca, non l’ho
restituito!»
Mia madre, preoccupata, le si è rivolta:
«Ma cosa dici, se ti sente qualcuno!
Ma lo sai che puoi finire in prigione?
Straccia quel foglio e andiamocene a casa…
Questo voto, cosa ce lo hanno dato a fare?»
