Int’ina càntera a l’ho
atruvau ina tabacheira,
cun in pumu de röiza in sce u
cuverciu.
Sti agni passai u gh’eira a moda,
pe’ omi e done, de prezà u tabacu:
in ciaicüna nariixe ina prezà
e pöi stranüi a tütu andà!
I a ciamava meixina purtentuusa,
che a s-ciairiva u servelu,
a l’agiütava a respirà…
e daighene di nomi a stu lechezu!
In cà di mei parenti u ghe staixeva
ina lala, fantina,
longa cume ina cana e in po’ renercia.
Ela a cuixiva, a sarziva, a recamava,
a faixeva ogni giornu da mangià.
De longu in pei, davanti ae cassarole,
a remesciava u desnà… e a tabacava.
au nausu ina stissa a furmava…
cian cianin a cresceva…
e pöi a se destacava…
Caiche vota a lala a me dixeva:
“Fermate a mangià u menestrun…”
Mi a l’eiru ina garsuna assai muscina,
se a gussa balarina
a piacava in ta pignata:
“Me maire a nu sa ren…
magara in’autra vota. A ve ringrassiu”.
Se a l’eira cazüa insce u furnelu:
“Sci, sci , va ben, a me fermu vurenté!
U l’è propriu savuriu stu menestrun,
ma couse i gh’avei messu
pe falu cuscì bon?
Insegnaime a risetta, pe’ piaixé…”
Costanza Modena – Dialetto di Sanremo
FIUTARE TABACCO, CHE PASSIONE!
In un cassetto ho trovato una tabacchiera,
con un bocciolo di rosa sul coperchio.
Negli anni scorsi c’era la moda,
per uomini e donne, di fiutare il tabacco:
in ogni narice un pizzico
e poi starnuti a tutt’andare!
La chiamavano medicina portentosa,
che schiariva il cervello
e aiutava a respirare…
e dategliene di nomi a questa prelibatezza!
In casa dei miei parenti c’era
una zia nubile,
lunga come una canna e un po’ rachitica.
Lei cuciva, rammendava, ricamava,
faceva ogni giorno da mangiare.
Sempre in piedi, davanti alle pentole,
mescolava il cibo… e fiutava tabacco.
al suo naso si formava una goccia…
pian pianino cresceva…
e poi si staccava…
Qualche vola la zia mi diceva:
“Fermati a mangiare questo minestrone…”
Io ero una ragazza un po’ smorfiosa,
se la goccia ballerina
cadeva nella pentola:
“Mia madre non sa nulla…
magari un’altra volta. Vi ringrazio”.
Se era caduta sul fornello:
“Sì, sì, va bene, mi fermo volentieri!
E’ proprio saporito questo minestrone,
ma cosa ci avete messo
per farlo così buono?
Insegnatemi la ricetta, per favore…”
