Ò VISTO DIO INTI EUGGI di Daniele Domenico Caviglia

 

Ò visto Dio inti euggi

tò de çê

e inmenscitæ d’amô

strannia

       ätìscima

                abbrassâ

abimmo pin de dô

sccianchi do cheu

       cento

                terrô comme a-o Getsemani.

 

E a-a fin luxe e allegria

mistëio

       vitta

                 Amô.

 

 

 

Daniele Domenico Caviglia

Tratta da “Poesia in Ligure tra Novecento e Duemila” (1900 – 2018) di Alessandro Guasoni – Edizioni Cofine, Roma, 2019, pag. 111

 

 

 

HO VISTO DIO NEGLI OCCHI   

 

Ho visto Dio negli occhi

tuoi di cielo

e immensità d’amore

inusitata

       altissima

                 abbracciata

abisso di dolore

strazio

       pianto

                 terrore di Getsemani.

 

E infine luce e gioia

mistero

        vita

                 Amore.

MARSU di Pierina Giauna

I auxéli i scibra

ina cansun

ch’a l’adescia e viuréte.

U Ventu

u l’aissa e faudéte.

 

Nivure capriçiuse

i spasségia

i zira intu Célu.

Se sente in bon audù.

Audù de Primavéra!

 

 

 

Pierina Giauna – Dialetto di Ventimiglia

 

 

MARZO

 

Gli uccelli fischiano

una canzone

che risveglia le violette.

Il Vento

alza le gonne.

 

Nuvole capricciose

passeggiano,

girano nel Cielo.

Si sente un buon profumo.

Profumo di Primavera!

 

I TEU RICORDI di Alba Toscanini

 

Son andæta a giâ pe Zena antiga

a çercâ di ricordi che no son i mæ,

ho giòu pe ciassette e pe caroggi

a vedde e stradde dove l’é cresciùo mæ poæ.

 

L’ho rivisto figgieu, un pö battuso,

däse d’attorno pe avei un nichelin,

o scappâ doppo avei combinòu quarcösa

e mæ nonno corrïghe appreuo co-o corezzin.

 

L’ho rivisto zoenotto, un bello zoeno,

in sciä porta da buttega de seu poæ,

in ta cornixe de quella Zena antiga

fiorente de travàggio e d’onestæ.

 

Cao papà, però questa teu Zena

a no l’é ciù quella de quande t’ei piccìn,

quande in sciö canto a vegetta co-o banchetto

a s’ascadäva e zenogge co-o scädin;

 

mi veddo fra un caroggio e ‘na ciassetta

in ta limpida luxe da mattin

in sciö canto una bella Madonnetta,

ma sotta assettòu gh’é un marocchin.

 

A gente ch’a m’amïïa me pâ ch’a pense:

"Chissà cöse a çerca quella lì!"

Mi çerco solo un pö do teu passòu,

pe ritroväte, pe stâ ancon un pö con tì;

 

me pä de sentî a teu voxe ch’a me dïxe:

"Son contento che de mì no ti t’ascordi!"

e mì continuo a giâ in te ‘sti caroggi

in compagnia de questi… teu ricordi.

 

 

 

Alba Toscanini – Dialetto di Genova

 

       

I TUOI RICORDI

 

Sono andata a girare per Genova antica

a cercare dei ricordi che non sono miei,

ho girato per piazzette e per vicoli

a vedere le strade dove è cresciuto mio padre.

 

L’ho rivisto ragazzo, un po' discolo,

darsi da fare per avere un soldino,

o scappare dopo aver combinato qualcosa

e mio nonno corrergli dietro col cinturino.

 

L’ho rivisto giovanotto, un bel giovane,

sulla porta del negozio di suo padre,

nella cornice di quella Genova antica

fiorente di lavoro e d’onestà.

 

Caro papà, però questa tua Genova

non è più quella di quand’eri ragazzino,

quando sull’angolo la vecchina col banchetto

si scaldava le ginocchia con lo scaldino;

 

io vedo tra un vicolo e una piazzetta

nella limpida luce del mattino

sull’angolo una bella "Madonnetta",

ma sotto c’è seduto un marocchino.

 

La gente che mi guarda mi sembra che pensi:

"Chissà che cosa cerca quella lì!"

Io cerco solo un po' del tuo passato,

per ritrovarti, per stare ancora un po' con te;

 

mi sembra di sentire la tua voce che mi dice:

"Sono contento che di me non ti dimentichi!"

Ed io continuo a girare in questi vicoli

in compagnia di questi…. tuoi ricordi.

 

*Madonnetta: edicola votiva

A GAÌNA DE CUMPAGNÌA di Costanza Modena

 

U po’ succede fina ae gaìne

de fasse mà, cume u capita ai cristiai,

però pe’ ele u nu gh’è mai muìne:

finì in tu brodu, cume i tempi andai.

 

Ina vouta a l’aixevu ina gaìna

che a s’eira arubatà in tu pusasse,

cuscì a l’eira arestà cu’ e zampe scasse

stirassanduse cume ina ruìna.

 

Me paire u gh’aixeva dau di inghenti,

cuscì a l’eira garìa da sti assidenti,

a svuratava, a raspava, a bechetava

ciü che gaìna, da can a se cumpurtava.

 

Se u paire u andaixeva, ela deré,

se u magajava, ela a u stava a vié,

fina in tu cessu, se in poucu u se fermava,

a gaìna a l’eira lì ch’a u gardava.

 

In giurnu a l’ho vistu masücau:

“Ma co’ ti hai fau? Ti te sei arubatau?”

“Se ti savesci, a me vergögnu a diru,

a l’è a gaìna ch’a m’ha fau stu tiru.

 

A intigiaivu, ingrignau in tu pasagiu,

cun a gaìna a pröu, a fa curagiu;

a me gardava e ascaixi u me paixeva

ch’a vuresse agiütame, se a puixeva.

 

A l’ha vistu a me man cu’ e die de föra,

a l’ha scangià pe’ caiche parpaiöra,

a s’è messa a pità, cume ina mata

e mi, criandu, a gh’ho dau aiscì ina pata…

 

Ela, cu’ u so servelu da gaìna,

a nu capiva ren, a l’ha cuntinuau,

garda chi che due mae a m’ha cunsau,

meju tiraghe u colu, a sta cuchina!”

 

 

 

Costanza Modena – Dialetto di Sanremo

 

 

LA GALLINA DI COMPAGNIA

 

Può capitare anche alle galline

di farsi male, come capita ai cristiani,

però per loro non ci sono gentilezze:

finire nel brodo, come si faceva in passato.

 

Una volta avevo una gallina

che, nel posarsi a terra, era caduta

ed era rimasta con le zampe malandate,

trascinandosi malamente.

 

Mio padre l’aveva curata con degli unguenti

ed era guarita dai suoi mali.

Faceva piccoli voli, razzolava, becchettava,

si comportava più da cane che da gallina.

 

Se mio padre andava via, lei gli andava dietro;

se lavorava la terra, stava a vederlo,

persino al gabinetto, se lui si fermava un poco,

la gallina stava lì a guardarlo.

 

Un giorno l’ho visto sanguinante:

“Ma cosa hai fatto? Sei caduto?”

“Se sapessi, mi vergogno persino a dirlo,

è la gallina che mi ha giocato questo scherzo.

 

Facevo rientrare le talee (di garofano) nella gabbia del filo,

accucciato nel passaggio, e la gallina era lì,

come a farmi coraggio, mi guardava

e quasi pareva che volesse aiutarmi, se poteva.

 

Ha visto la mia mano con le dita fuori (dalla gabbia di filo)

e l’ha confusa con qualche farfalla…

s’è messa a beccare come una pazza

e io, gridando, le ho dato anche una sberla.

 

Lei, col suo cervello da gallina,

non intendeva ragione, continuava…

Guarda qui che due mani mi ha conciato!

Era meglio che le avessi tirato il collo, a quella pelandrona!”

A FÌN di Mario Saredi

 

Semu ä fìn da giurnà,

nu se pö

sta trei dì

sènsa in po’ scarabocià

aumancu in po’.

Invece nà,

propriu rèn

dä ciüma è sciurtiu.

Inciostru,

inciostru ghe n’è ancù.

L’è propriu a ciüma

ch’a nu vö ciü andà,

ne denài,

ne darè.

Ma ti vèi,

stassèira,

hon scrìttu lò,

che turna incumensà,

a papei inciastrà?

 

 

 

Mario Saredi – Dialetto di Camporosso

2017

 

 

LA FINE

 

Siamo alla fine della giornata,

non si può

stare tre giorni 

senza un po’ scarabocchiare,

almeno un  po’.

Invece no,

proprio nulla

dalla pena è uscito.

Inchiostro,

inchiostro ce n’è ancora.

È proprio la penna

che non vuole più scorrere,

ne avanti

ne indietro.

Ma vedi,

questa sera,

ho scritto questo,

tornerò,

a carta sporcare?

 

A MÆ ZENA di Vittorio Russo Delmonte – Trad. di Pietro Costantini

 

Genova

Zena umiliâ, trascurâ, Zena ascordâ,

Zena oféiza, tradia, Zena vilipeiza,

Zena riservâ, feria, Zena abandonâ,

Zena sospeiza, aluvionâ, Zena ch’a no s’é areiza,

Zena l’Acquario, Castelétto, Zena scenaio sensa paragón,

Zena Pòrta Sòprana, macaia, Zena de tramontann-a,

Zena sensa lòu, ritegno, Zena sensa decöo,

Zena aostera, ribélle, Zena bataliera,

Zena coragioza, rùstega, zena generoza,

Zena difidente, sospetoza, Zena pöco acoliente,

Zena fêa, mai astalâ, Zena libera,

Zena sostegnûa, misterioza, Zena Superba,

Zena materna, moiégna, Zena sotta a-a Lanterna.

Zena d’abæn, de marmo, Zena vanitoza,

Zena da çercâ, da scrovî, Zena da atrovâ,

Zena da conósce, rispetâ, Zena da voéighe ben.

Zena vista da-o mâ ch’o t’abrassa

comme solo ’na moæ a sa fâ.

E creuze, o pòrto, in çê in montâ,

Zena co-o sciòu curto.

Spoza de Netùn, sirena, figgia de nisciùn.

Zena o mæ fatorizo o l’è pin e scoòu

do teu òrgheuggio.

Zena mi t’amiro e te vivo,

Zena, ti me levi o respî.

 

 

 

Vittorio Russo Delmonte – Traduzione in genovese di Pietro Costantini

 

 

LA MIA GENOVA

 

Genova umiliata, trascurata, Genova dimenticata,

Genova offesa, tradita, Genova vilipesa,

Genova riservata, ferita, Genova abbandonata,

Genova sospesa, alluvionata, Genova che non si è arresa,

Genova l’Acquario, Castelletto, Genova incomparabile scenario,

Genova Porta Soprana, macaia, Genova di tramontana,

Genova senza lavoro, ritegno, Genova senza decoro,

Genova austera, ribelle, Genova battagliera,

Genova coraggiosa, burbera, Genova generosa,

Genova diffidente, sospettosa, Genova poco accogliente,

Genova fiera, mai doma, Genova libera,

Genova altera, misteriosa, Genova Superba,

Genova materna, matrigna, Genova sotto la Lanterna.

Genova di ardesia, di marmo, Genova vanesia,

Genova da cercare, da scoprire, Genova da trovare,

Genova da conoscere, rispettare, Genova da amare.

Genova vista dal mare che ti abbraccia

come solo una madre sa fare.

Le creuze, il porto, un cielo in salita,

Genova con il fiato corto.

Sposa di Nettuno, sirena, figlia di nessuno.

Genova il mio sorriso del tuo orgoglio

è pregno e intriso.

Genova io t’ammiro, ti vivo,

Genova, tu mi togli il respiro.

 

ARBURI di Marisa Amalberti De Vincenti

 

Arburi d'aurive sença tempu

dae longhe rame storte

e averte au celu

cume i brassi d'in preve

au Pater Noster.

Mimose drüe, bèle e prufümae

dae sciùre d'òuru

ch'i s'açende e i möire

parescu a sparucheti

a San Segundu.

Arrénte a due müraglie,

a vecia turre,

a scara derrucà

e a pria granda

d'in antigu murìn...

là suta a crota,

che i ne conta ancù

cume ina bèla fòura

a vita de sti ani...

 

 

Marisa Amalberti De Vincenti – Dialetto di Ventimiglia

 

 

ALBERI

 

Alberi di ulivo senza tempo

dai lunghi rami storti

e aperti al cielo

come le braccia di un prete

al Pater Noster.

Mimose gagliarde, belle e profumate

dai fiori d’oro

che si accendono e muoiono

come petardi

a San Secondo.

Vicino a due muri,

la vecchia torre,

la scala diroccata

e la pietra grande

di un antico mulino…

là sotto la terrazza,

che ci raccontano ancora

come una bella favola

la vita di una volta…