Me sö, i cuixin,
i amixi ciü grandeti
a Cumeniun za i l’aixeva fa…
mi, ch’a l’eiru tra cheli
pecineti,
a nu vievu l’ura de pruà.
A nu so cante vote e me bürate
i l’han faitu a prima
cumeniun…
tütu
pe’ giögu,
pe’ puré ripete
a festa ch’u se fa in te st’ucasiun.
A e cruviivu de veli e de
lambissi,
tüte
ben pentenae e aghindae;
üna a l'eira a mairina, tüta pissi,
cu’ in man due candere ilüminae…
A invitaivu i amixi, i mei parenti,
a a funsiun e au rinfrescu, ben cuntenti
de stu belu mumentu de arescioiru,
che in campagna u l’eira in poucu rairu.
Me maire a l’asendeva u furnu a legne,
a preparava a turta de sücun;
ascì pe’ ela a l’eira l’ucasiun
d’esse de bon imù, de nu fa rugne.
Nui autri a mangiaimu a tüt’andà,
mentre e bürate, chi eira e festezae,
i stava lì, cun e face abelinae,
cume se i nu savesse couse fa…
Forsci u l’eira blasfemu stu mei giögu…
Mi, ch’a faixeivu u preve, in te stu lögu,
e a daixevu a prima cumeniun
a bürate de pessa e de cartun!
Costanza Modena – Dialetto di Sanremo
IL PRANZO DELLE BAMBOLE
Mia sorella, i cugini, gli amici più grandi
avevano già ricevuto la prima Comunione;
io che ero tra quelli più piccoli,
non vedevo l’ora di provare.
Non so quante volte le mie bambole
hanno fatto la prima comunione,
tutto per gioco, per poter ripetere
la festa che si fa in questa occasione.
Le coprivo di veli e volants,
tutte ben pettinate e agghindate;
una era la madrina, piena di pizzi,
con in mano due candele accese…
invitavo gli amici, i miei parenti,
alla funzione e al rinfresco, tutti ben
contenti
di questo bel momento di riposo,
che in campagna era un po’ raro.
Mia madre accendeva il forno a legan,
preparava la torta di zucchine,
anche per lei era l’occasione
di essere di buon umore, di non brontolare.
Noi altri mangiavamo a quattro palmenti,
mentre le bambole, che erano le festeggiate,
stavano lì, con le facce stupide,
come se non sapessero cosa fare.
Forse era blasfemo questo mio gioco…
io che facevo il prete in questa occasione
e davo la prima comunione
a bambole di pezza e di cartapesta!
