IMPERIA di Mario Saredi

Imperia: Porto Maurizio e Oneglia

Impera, impero

Imperia,

métighe aisci Oneglia 

nu ti fai tortu a nesciün

l’è delongu üna,

üna de e ciü pecine

ma  grania.

Canterin,

pueti,

vivi o nu, i l’han cantà

puetà,

fàita sciuria.

Tüttu u mundu

u l’ha vista.

Fiferettu,

Ciàssa,

Cuventu,

Marina

e in po’ de ciü.

Gloria de sciùre, curùi

Che nesciün ha mài savüu fa.

Da ciàcche lögu, vaixin o lògni

a mirà curùi maistri d’arte sciuria,

che nesciün ha mai savüu fa,

da tütti sercà,

da nesciün imparà.

 

 

 

Mario Saredi – Dialetto di Camporosso

2019

 

 

IMPERIA

 

Impera, impero

Imperia,

mettigli anche Oneglia

non fai torto a nessuno

è sempre una.

Una delle più piccole

ma granita.

Cantanti,

poeti,

vivi o passati l’hanno cantata,

poetata,

infiorata.

Da tutto il mondo

l’hanno veduta.

Le compagnie dei carri infiorati

Fiferettu,

Ciassa,

Cuvèntu,

Marina

Ed altri.

Gloria di fiori, colori

Che nessuno ha saputo raggiungere.

Da ogni parte vicina e lontana

sono venuti ad ammirare l’arte fiorita dei carristi

che nessuno ha mai saputo fare,

da tutti cercata,

da nessuno imparata.

QUELLA CHE SOLITÄIA di Fiorenzo Toso

 

Joaquìn Sorolla y Bastida - Playa de San Sebastiàn, 1895 

Quella che solitäia a l’ammiava

deslenguâ a stæ d’in sce unna banca a-a mæña

(e l’ægua scangiâ cô, sciorbia da l’æña

in sciô sbattizzo), intanto a s’inaiava

 

da lontanansa bleu, ch’a gh’arrembava

malinconie confuse e sensa peña:

à redòsso da-o vento, inta sò gueña

de scilençio, atri giorni a regordava,

 

quelli che gh’ean scuggiæ d’in scöso quande

sensa invexendo, sensa gena, astræta

a s’ea desfæta d’un amô che grande

 

a no saveiva, e ch’oua, comme a mæta

o vegniva de vòtte, à fâghe spande

lagrime stanche, a-e quæ a s’ea za assuefæta.

 

 

 

Fiorenzo Toso – Dialetto di Arenzano

 

 

QUELLA CHE SOLITARIA 

 

Quella che solitaria contemplava

l’estate dissolversi, da una panchina sul mare

(e l’acqua che mutava colore, a mano a mano che la sabbia

sulla battigia / l’assorbiva), contemporaneamente si incantava

 

della lontananza blu, che a lei avvicinava

malinconie confuse e senza pena:

al riparo dal vento, nella sua guaina

di silenzio, ricordava altri giorni,

 

quelli che le erano scivolati dal grembo, quando

senza emozione, senza imbarazzo, distrattamente

si era disfatta di un amore che non sapeva

 

quanto fosse grande, e che adesso, come onda lunga

tornava ogni tanto, a farle piangere

lacrime stanche, alle quali si era accostumata.

PURTROPPO di Luigi Cornetto

 

Ti te senti

de vòtte

pin de forsa

comme

se drento de ti

ghe fuisan çento giganti.

 

Poi

un momento doppo

pe’ na notizia

che

a t’ha ferïo o chêu

te pä d’ese ûn moscin

e ti domandi

ûmilmente ä tò cosciensa

s’a pêu sta in paxe

e no ricordâte cö rimorso

che t’ë ûn ommo.

 

 

 

Luigi Cornetto – Dialetto di Genova

 

 

PURTROPPO

 

Ti senti

delle volte

pieno di forza

come

se dentro di te

vi fossero cento giganti.

 

Poi

un momento dopo

per una notizia

che

ti ha ferito il cuore

ti sembra di essere un niente

piccolo come un moscerino

e domandi

umilmente alla tua coscienza

se può stare in pace

e non ricordarti con il rimorso

che sei un uomo.

SAN BASTIÀN di Marco Scullino

 

San Bastiàn

in sgarru e in agremàn,

càrrega a rama

càrrega a mei man.

 

A prima a l'é d'a pegura

ch'a cumanda u can

se ciöve o tira ventu

se u fögu u resta stentu.

 

A prima a l'é d'u can

ch'u cumanda a pegura

se au fögu de l'invernu

ghe resta ina magìgura.

 

San Bastiàn

in sgarru e in agremàn,

càrrega a rama

càrrega a mei man.

 

 

 

Marco Scullino – Dialetto di Ventimiglia

 2010

 

SAN SEBASTIANO                                                                                                                                                                                                                 

San Sebastiano

un offesa ed un favore,

carico il ramo

carica la mia mano.

 

La primavera è della pecora

che comanda il cane

se piove o tira vento

se il fuoco resta spento.

 

La primavera è del cane

che comanda la pecora

se al fuoco dell'inverno

gli resta una formula magica.

 

San Sebastiano

un offesa ed un favore,

carico il ramo

carica la mia  mano.

SUN CUNTÈNTU di Romano Nicolino

Sun cuntèntu

quandu me špegiu

inti ögi d’ina majnò

che da mi a špeta

dma ina caramèla.

Sun cuntèntu

quandu me špegiu

inti ögi d'ina fumna

che da mi a špeta

dma gentilössa.

Sun cuntèntu

quandu me špegiu

inti ögi d’in omu

che da mi u špeta

dma amicisia.

Sun cuntèntu

quandu me špegiu

inti ögi d’in veiu

che da mi u špeta

dma in surizu.

U cušta propi pocu

esci cuntènti.-

 

 

 

Romano Nicolino – Dialetto di Garessio – Ligure Garescin

 

 

SONO CONTENTO

 

Sono contento

quando mi specchio

negli occhi di un bambino

che da me aspetta

solo una caramella.

Sono contento

quando mi specchio

negli occhi di una donna

che da me aspetta

solo gentilezza.

Sono contento

quando mi specchio

negli occhi di un uomo

che da me aspetta

solo amicizia.

Sono contento

quando mi specchio

negli occhi di un vecchio

che da me aspetta

solo un sorriso.

Costa proprio poco

essere contenti.-

NOBILTÆ DECADÛA di Renzo Ferrero

 

Lungo e stiggio ch'o  pâ  n'agûo sûssòu,

elegante,  sempre  vestïo  de  scûo

in  man  ûn  bacco  cö  pommo  induòu,

o  pâ  'n  nobile  mëzo  decadûo.

 

O  se  vedde  da  lungi  in  mëzo  ä  gente

perché o  l'è 'n parmo bon de d’äto a tûtti,

comme  a  Lanterna  grande  e  imponente

ch'a  illûmina  e  barche  in  mëzo  a-i  flûtti.

 

Ogni  tanto  con  lê  gh' è  'na  veggetta

ch'a  pâ  sò  moæ  o  quarche  sò  parente,

a  l'è  a  meitæ  de  lê  e  'n  po'  ranghetta.

 

Lê  o  a  tratta  coscì  amorevolmente

che  - anche  se  no  son  affari  mæ -

me  pâ  che  ö  fasse  pe  l' ereditæ...

 

 

 

Renzo Ferrero – Dialetto di Genova

1995

 

 

NOBILTÀ  DECADUTA

 

Alto e magro che sembra un chiodo succhiato,

 elegante,  sempre  vestito  di  scuro, 

in  mano  un  bastone  con  il  pomo  dorato, 

sembra  un  nobile  mezzo  decaduto. 

 

Si  vede  da  lontano  in  mezzo  alla  gente

perché  è  un  palmo  buono  sopra  tutti, 

come  la  Lanterna  grande  e  imponente 

che  illumina  le  barche  in  mezzo  ai  flutti.  

 

Ogni  tanto  con  lui  c' è  una  vecchietta 

che sembra sua madre o qualche sua parente, 

è  la  metà  di  lui  e  un  poco  zoppicante. 

 

Lui  la  tratta  così  amorevolmente 

che  - anche  se  non  sono  affari  miei -  

mi   sembra  che  lo  faccia  per  l' eredità...

U SCHERSU DE PIPIN, AA CACIA di Vincenzo Jacono

Scire e Giüsè aa posta da matin

Dui sciti boi ii aveva fàiti sœi,

E lei, u Pipu, ancura nuvelin,

Là brètiu, a cùciu, istessu di cagnœi…

 

I l’han piau in giru, sti anticœi!

Ma elu u i cuntracangia… U mira i pin,

E giü ina bota! Autre due bote pœi…

Scire e Giüsè i gh’alansa in criu: - «Pipin,

 

I sun carai?» - «Sci!» - «Garda, a gh’amu dau

In scarezu de scitu e u l’ha marcau!» -

E i s’abriva: - «Sti turdi dund’i sun,

 

Ch’a nu i viemu?» - «In viègiu, in diressiun

Da Còrsega, segundu u paré mei,

Perché i eira cursechi tüti trei» -

 

 

 

Vincenzo Jacono – Dialetto di Sanremo

 

 

LO SCHERZO DI BEPPINO, A CACCIA

 

Siro e Giuseppe alla posta del mattino

Due buoni luoghi di appostamento avevano fatti loro,

E lui, Pippo, ancora novellino,

Là a casaccio, a cuccia, come i cagnolini…

 

Lo hanno preso in giro, questi senza cuore!

Ma egli contraccambia… Guarda un pino,

E giù una botta! Altre due botte poi…

Siro e Giuseppe gli lanciano un grido: - «Beppino,

 

Sono scesi?» - «Sì!» - «Guarda, gli abbiamo dato

Uno scareggio di sito e ha fatto caccia!» -

E si slanciano: - «Sti rodi dove sono,

 

Che non li vediamo?» - «In viaggio, in direzione

Della Corsica, secondo il mio parere,

Perché erano corsi tutti e tre» -