MONTECARLO di Vincenzo Jacono

 

De eletu Prinsipatu e d’a Riveira

In Eden tü ti sei, dunde meschin

Aspru pœzu sarvàigu in tempu u gh’eira:

Eden maraveiusu de giardin,

 

De ciante daa belessa furesteira,

E de vile ch’incanta, fra u türchin

D’u cielu e d’a marina, a ina magneira

Tüte sciala de lüssu e de festin.

 

Maëstusu de grassia e de malìa

U Casinò u fa da gurman miragiu

Ai sœi devoti ch’i ghe rende umagiu;

 

E intu so sen Tersìcure e Talìa

E Euterpe ancù, sedüxenti i ghe sun

Sirene cumpiaixenti d’atrassiun…

 

 

 

Vincenzo Jacono – Dialetto di Sanremo

 

 

MONTECARLO

 

Di eletto Principato e della Riviera

Un Paradiso tu sei, dove meschino

Aspro poggio selvaggio un tempo c’era:

Paradiso meraviglioso di giardino,

 

Di piante dalla bellezza forestiera,

E di ville che incantano, fra il turchino

Del cielo e del mare, ad un maniera

Tutte piacere di lusso e di festini.

 

Maestoso di grazia e di malia

Il Casino fa da goloso miraggio

Ai suoi devoti che gli rendono omaggio;

 

E nel suo seno Tersicore e Talia

E Euterpe ancora, seducenti ci sono

Sirene compiacenti d’attrazione…

A CÙFFA DE PRÌE di Mario Saredi

Avìva

ina cùffa de prìe

arecampàe

travaglièndu,

cànde travaglià

u l’èira u mèi  fa.

Ciàche prìa

o scàglia

a l’avìa càiche rèn

da dì.

E ciü bèle pe’ mì

i digàva d’u fögu,

d’u géru,

d’i ani.

Acapìre,

l’èira imparà,

cunùsce

a vìta de prìma

e d’avù.

Chéla cùffa de prìe,

a m’ha dìtu còuse,

còuse de sèira

e d’ancöi,

çarvàe pe’ i figliöi.

 

 

 

Mario Saredi – Dialetto di Camporosso

2017

 

 

LA CESTA DI PIETRE

 

Avevo

una cesta di pietre

raccolte

lavorando,

quando lavorare

era il mio fare.

Ogni pietra

o pietruzza

aveva qualcosa

 da dire.

Le più belle per me

parlavano del fuoco,

del gelo,

degli anni.

Capirle,

era imparare,

conoscere 

la vita di una volta

e d’adesso.

Quella cesta di pietre,

mi ha detto cose,

cose di ieri

e di oggi,

salvate per i figlioli.

 

ME ÒURIÆ di Luigi Cornetti

Comme a farfalla

che de neutte

a picca

testæ in ti veddri

solo s’a vedde

un gælo de lûxe

sun arrestau abbarlûgòu.

 

Me òuriæ fermâ

pe fâ due pòule

armeno pe’ n’euggiâ,

ma o sciûmme o l’è in pinn-a

son inghêuggieito in ta corrente

ch’a me porta via

con i mæ affanni.

 

O tempo o sta pe finî

a-o calâ de l’urtima lunn-a.

 

 

 

Luigi Cornetti – Dialetto genovese

 

 

MI VORREI

 

Come una farfalla

che di notte

picchia

testate nei vetri

soltanto se vede

uno spicchio di luce

sono rimasto abbagliato.

 

Mi vorrei fermare

per scambiare due parole

almeno per un’occhiata

ma il fiume è in piena

sono avvolto nella corrente

che mi porta via

con i miei affanni.

 

Il tempo sta per finire

al calare dell’ultima luna.

SINESTESÌE* di Andrea Capano

 

Duze firastroche

du curù dê articioche,

audù de sücunetu

e güstu de bunetu.

Çinche ümere, tre drüe,

tüte e autre ben purpüe,

ch’i se bala

in svarsu lentu

cume i’oura,

cume u ventu.

 

 

 

Andrea Capano – Dialetto di Ventimiglia

 

 

SINESTESIE*

 

Dodici filastrocche

del  colore dei carciofi,

odore di zucchinetto

e gusto di budino.

Cinque morbide,

tre rigogliose,

tutte le altre ben in carne,

che ballano

un valzer lento

come la brezza,

come il vento.

* simbolo con cui verranno identificate le 12 filastrocche

GH’EA UNNA VÒTTA di Andreina Solari

 

San Rufino di Léivi (Ge)

Into pàise d’oivi

tra ramme d’argento

s’açerta un giardin

 

- bròcchi de no te scordâ de mi-

à cormâ de çê e fantinette endeghe da stæ.

 

Fî de grañe de xeui

i s’asbascio inte l’äia ferma

de unna giornâ ch’a l’apponde die

drento a-o röbin legio di penscei

into leugo donde, l’urtimo bagio de sô,

o s’affonda in sciô mâ e za o sperde

a cioenda sporzua ch’a se fa scua.

Inte l’aspeto do doman

o sccetto dexidëio o se frazza

stranscio sorva a-o scorsaieu de pria.

O score o “Gh’ea unna vòtta...”

ch’o fa rionde inti fî de tägnâ

o se spantega

o s’arrösa.

 

 

 

Andreina Solari – Dialetto genovese di Léivi

 

 

C’ERA UNA VOLTA

 

Nel paese di ulivi

tra rami d’argento

s’indovina un giardino

 

- germogli di non ti scordar di me-

a colmare di cielo le pupille inazzurrate dell’estate.

Filigrane di voli

digradano nell’aria immota

di un giorno che affonda dita

nella veste leggera dei pensieri

laddove, l’ultimo sbadiglio di sole

s’inabissa nel mare e già scolora

la siepe protesa, che s’annera.

In attesa del domani

l’incontaminato desiderio si svena

stremato sul sentiero di pietra.

Insegue il “C’era una volta...”

che s’arcobalena tra fili di ragnatela

dirama

s’allontana.

LÜXE di Mario Saredi

Che a lüxe

a scìe lüxe

cùme u sù

de’ dì’,

a nötte a l’è nötte,

che ti vögli o na.

U rèstu

làsciru stà,

u stà bèn ùnde u l’è.

Se gh’è càiche rèn

da scangià,

nu l’è chi,

ùnde nùi dìmu e fému.

Che a lüxe,

a lüxe,

cùme a l’incumènsu.

 

 

 

Mario Saredi – Dialetto di Camporosso

2018

 

 

LUCE

 

Che la luce

sia luce

come il sole

di  giorno,

la notte è notte,

che tu voglia o no.

Il  rimanente

lascialo stare,

sta bene dov’è.

Se c’è qualcosa

da cambiare,

non è qui,

dove noi diciamo e facciamo

che la luce,

illumini,

come all’inizio.

 

MORTOLA di Vincenzo Jacono

                                  La Mortola - Giardini Hanbury

Scitu intemeliu, tü, tra i ciü piaixenti,

Sciala de su, de unde, a to beleessa

E de süave aren i l’acaressa,

Da parmure adurnà, vile impunenti.

 

L’è u to giardin d’i sinche cuntinenti

Unicu au mundu: Elisu de vaghessa

A ciü suadente in tüta a so cenessa,

In sci a terra, a delissia di viventi:

 

Puema, duve e ciante i sun e rime,

Che a mile a mile e varïae u esprime,

Da l’estru elètu d’Hanbury creau,

 

Au co sutan, u tocu ancù restau

D’a via Aurelia Emilia u stà, a memoria

Elu ascì, d’a rumana antiga gloria.

 

 

 

Vincenzo Jacono – Dialetto di Sanremo

 

 

MORTOLA

 

Sito intemelio, tu, tra i più piacenti,

Gioia di sole, di onde, la tua bellezza

E di soave sabbia accarezzano,

Di palme adornate, ville imponenti.

 

È il tuo giardino di cinque continenti

Unico al mondo: Eliso di vaghezza

La più suadente in tutta la sua pienezza,

Sulla terra, delizia dei viventi:

 

Poema, dove le piante sono le rime,

Che a mille a mille le varietà esprime,

Dall’estro eletto di Hanbury creato,

 

In fondo, il tronco ancora rimasto

Della via Aurelia Emilia sta, a memoria

Anch’esso, della romana antica gloria.