Candu me sö a se duixeva
marià
l’ineveixendu u nu faixeva respirà.
Gente, veixin, parenti, in va e ven,
chi purtava in regalu e chi … ren.
Me sö a bateva a cria:
“U tale giurnu a me mariu,
vegnì a vieme, i avei capiu?”
A lala
veja, de bursa strenta,
cun a facia de longu marcuntenta,
a se faixeva apregà:
“A nu posciu vegnì, u se virà…”
In giurnu a s’arecampa cun u regalu,
me sö cuntenta a nu fa che ringrassià.
Ciü tardi a dröve u pacu
e a resta asai de stücu:
in belu regalu pe ina spusa!
Ina bürata ransuusa, veja e marcifugnà,
cu’ a rouba sculuria, ruta e afrapà!
“Garda chi, u ghe vö u so tupé!”
a cria contru chel’arciferu da lala:
“Bötara via, a nu a vöju mancu vié!”
Diitu faitu, a me lansa sta bürata,
pezu ch’a fusse ina veja savata.
Ascì a mi, a me faixeva in po’ pietà,
anche se de bürate, a cheli tempi
u nu se ne atruvava in cantità.
In giurnu a nu saixevu couse fa…
a pensaivu a in giögu növu da inventà.
A l’ho atruvau a bürata int’in sestin
e a l’ho apeiza de pe u colu a in mandurin.
Cande me sö a passava lì veixin
cun ina pata a ghe faixeva fa a bambala
e a dixeva, cun in poucu de venin:
“Sta chi a l’è a bürata de me lala!”
Costanza Modena – Dialetto di Sanremo
LA BAMBOLA DELLA ZIA
Quando mia sorella si doveva sposare
la confusione non lasciava respirare.
Gente, vicini, parenti, un va e vieni,
chi portava un regalo e chi … niente.
Mia sorella avvertiva tutti:
“Il giorno tale mi sposo,
venite a vedermi, avete capito?”
La zia più vecchia, stretta di borsa,
con l’espressione sempre scontenta,
si faceva pregare:
“Non posso venire, si vedrà…”
Un giorno arriva col regalo,
mia sorella contenta non fa che ringraziare.
Più tardi apre il pacco
e resta assai di stucco:
un bel regalo per una sposa!
Una bambola sporca, vecchia e malridotta,
con il vestito scolorito, rotto e stropicciato.
“ Guarda qui, ci vuole la sua faccia tosta!”
grida contro quel demonio della zia:
“Buttala via, non la voglio neanche vedere!”
Detto fatto, mi lancia questa bambola,
neanche fosse una vecchia ciabatta.
Pure a me faceva un po’ pietà,
anche se di bambole a quei tempi
non c’era una gran quantità.
Un giorno non sapevo cosa fare…
pensavo a un gioco nuovo da inventare.
Ho trovato la bambola in un cestino
e l’ho appesa per il collo a un mandarino.
Quando mia sorella passava lì vicino
con un colpo le faceva fare l’altalena
e diceva in tono un po’ velenoso:
“Questa è la bambola di mia zia!"
