Tempu de ghera... sensa tesserin
pe' acatà u mangià ch'u ne tucava,
me paire u s'arangiava e u curtivava
pe' avé de tütu drente au masaghin.
In giurnu u l'è arivau cun in purchetu
ch'u paixeva fintu, röisa, netu;
a u tegnivu in brassu, stu cuiasse,
e u ghe staixeva sensa ch'u scapasse.
U purchetu u cresceva, u giügava,
sempre deré, cume in can u vegniva.
A u ciamaivu “Totò!” e elu u cureva,
che mi a fusse sa maire u se credeva.
A u purtavu cu' e crave a mangiücà;
se u me vieva leze, lì assetà,
u me vegniva in brassu, u grugnassava,
u vuixeva savé cume a l'andava.
Ma me paire de longu u mugugnava:
“In te sta cà, se a purtasse in elefante,
u sereva ben poucu diferente,
tra tante bestie, u porchetu u ghe mancava!”
Cu u tempu, me paire u l'ha serau:
u duixeva ingrascià, seghì a so sorte.
Se a u ciamaivu de föra, d'in tu prau,
u me stava a sentì, grugnendu forte.
In giurnu u l'è vegnüu u maixelà
e du purchetu u n'ha fau susissa.
Ma de chela a nu n'ho tastau ina stissa,
u l'eira cume mangià ün da me cà!
Costanza Modena – Dialetto di Sanremo
TOTÒ
Tempo di guerra... senza tessera annonaria,
per comprare il cibo che ci veniva assegnato.
Mio padre si arrangiava a coltivare la terra,
per avere di tutto nella dispensa.
Un giorno è arrivato con un maialino
che sembrava finto, rosa, pulito;
lo tenevo in braccio, lo stupidone,
e lui ci stava, senza scappare.
Il maialino cresceva, giocava,
mi veniva sempre dietro, come un cagnolino.
Io lo chiamavo “Toto!” e lui correva,
credeva che io fossi sua madre.
Lo portavo con le capre a brucare l'erba;
se mi vedeva leggere, lì seduta,
mi saliva in braccio, grufolando;
forse voleva sapere come andava.
Mio padre brontolava sempre:
“In questa casa se portassi un elefante,
non ci sarebbe niente di strano,
tra tanti animali, il maiale ci mancava!”
il mio maialino continuava a crescere,
ma non perdeva il vizio di venire in braccio!
Lui non vedeva il suo difetto,
credeva di essere sempre un bambino.
Passato il tempo, mio padre l'ha chiuso nella stalla;
doveva ingrassare, seguire la sua sorte.
Se lo chiamavo, da fuori, dal prato,
mi sentiva e grugniva forte.
Un giorno è arrivato il macellaio
e del maialino ne ha fatto salsiccia.
Di quella carne non ne ho assaggiato un briciola,
mi pareva di mangiare un mio parente!
