Italién, brava gente...
popolo de santi, poeti e naviganti !!
Tûtti (e o dixan tanti)
primma da figgieu e poi da gréndi
semmo stæti piggiæ dä smangiaxòn
de mette in rimma i nostri sentimenti
e, o pe drîto o pe traverso,
çercâ de fâ baxâ verso con verso.
Anche mì a vint' anni
ho scrîto poexïe
dove - in italian -
o cheu o fava rimma con amô.
Ôua che tanto tempo l' è passòu
e purtroppo o ciû o se n'è zà andæto
pe mette in poexïa amô e cheu
doviæ trovâ parolle
che féssan rimma con fighæto,
con paziensa e, perché no,
con nostalgìa...
A l' è 'na reua ch'a gïa,
no gh'è de scanpo
no gh' è ciû de remisciòn
doppo a sciammâ do lanpo
gh'è o borboggìo do tron....
Renzo Ferrero – Dialetto di Genova
RIME D'AMORE
Italiani, brava gente...
popolo di santi, poeti e naviganti!
Tutti (e lo dicono in tanti)
prima da bambini e poi da grandi
siamo stati presi dalla smania
di mettere in rima i nostri sentimenti
e, o per dritto o per traverso,
cercare di far baciare verso con verso.
Anch'io a vent'anni
ho scritto poesie
dove – in italiano –
il cuore faceva rimma con amore.
Ora che tanto tempo è passato
e purtroppo il più se ne è andato
per mettere in poesia amore e cuore
dovrei trovare parole
che facessero rima con fegato,
con pazienza e, perché no,
con nostalgia...
E' una ruota che gira,
non c'è scampo
non c'è più remissione
dopo la fiammata del lampo
c'è il borbottio del tuono...
Nessun commento:
Posta un commento