.jpg)
No l’é facile trovâ
e mæ genti spanteghæ
in te redugge da çitæ
seræ fra i monti e o mâ,
ti i senti in to parlâ
pe caxo quarche votta.
Ti-i senti in te cansoin
co-e seu malinconie
che parlan un pö de mâ
de stoïe do passòu,
con tanta nostalgia,
un pö ammagonæ.
Ti-i senti in te poexïe
pinn-e de sentimento
che desghêuggian o sò dô
comme un vegio lamento
c’o vegne da lontan.
Son mugugnoin
ûn pô rusteghi,
serveghi comme i gatti
che se tegnan d’ärente,
fâxendo i fæti sò.
A l’è questa a mæ gente:
pâ sempre ch’a l’addente
o ch’a se mette a bajâ,
ma sotta a scorsa sgreuzza
ti ghe senti un gran cheu
e quande poche votte
ti-i veddi tutti insemme...
ti l’abbraççiesci tutti.
Se ti-i veddi cantâ
a pâ unn-a messa laica
ca vegne sciû da-o cheu…
…e g’han i euggi lucidi
pan quæxi di figgieu.
Guido
De Marchi – Lingua genovese
LA MIA GENTE
Non è facile trovare
le mie genti sparpagliate
nelle pieghe della città
chiusa fra i monti e il
mare,
li senti nel parlare
per caso qualche volta.
Li senti nelle canzoni
con le loro malinconie
che parlano un po’ di mare
delle storie del passato
con tanta nostalgia
un poco commossi.
Li senti nelle poesie
piene di sentimento
che srotolano il loro dolore
come un vecchio lamento
che viene da lontano.
Son brontoloni
un poco rustici
selvatici come i gatti
che si tengono accanto
facendo i fatti loro.
E’ questa la mia gente
pare sempre che morda
o che si metta ad abbaiare
ma sotto la scorza ruvida
ci senti un gran cuore
e quando poche volte
li vedi tutti insieme...
li abbracceresti tutti.
Se li vedi cantare
sembra una messa laica
che viene su dal cuore
e hanno gli occhi lucidi…
…paion quasi dei bambini.
