IN GIURNU A VUREREVA INCUNTRA’… di Vincenz Balbis

In giurnu

a vurereva incuntra’

in omu de cheli du tempu passau

e fame cuntà cum’a l’éira

a so vita alantura,

de cande i piava a mesüra

du tempu

in sc’i-uu passu da müra

e elu u faixeva i maixeei,

sciü pe-e cole,

cu-e prie e cu-e scaje

e u biu e a peschéira

e u casun

cu-e spesse müraje.

 

De tütu u saixeva:

de cande a segunda da lüna

u duxeva puà,

fa i insèrti, a vendegna

e pöi müà u vin,

e dunde i nasceva i buréi,

ciantà i tetinoti,

fa u viscu

e stènde e canéle e i trapin,

e ascì ferrà a soma,

ramà e urive

e fa u fen

pé cande a stagiun a nu l’è bona.

 

Stu omu du tempu passau

u revive,

u l’è cume se avura a l’avesse incuntrau;

pascïente

u me mustra a film da so vita,

ma u tàixe…;

rumbante u passa ina motu

e elu u svanisce

int’a so pàixe!

 

 

 

Vincenzo Balbis – Dialetto di Sanremo

 

 

UN GIORNO VORREI INCONTRARE…

 

Un giorno

vorrei incontrare

un uomo di quelli del tempo passato

e farmi raccontare come era

la sua vita allora,

di quando prendevano la misura

del tempo

sul passo della mula

e lui faceva i muri a secco,

su per le colline,

con le pietre e le scaglie

e il beodo e la peschiera

e il casolare

con i muri spessi.

 

Di tutto sapeva:

di quando a seconda della luna

doveva potare,

fare innesti, la vendemmia

e poi travasare il vino,

e dove nascevano i funghi,

piantare i carciofi,

fare il vischio

e stendere panioni e pagliuzze,

e anche ferrare l’asina,

abbacchiare le olive

e fare il fieno

per quando la stagione non è buona.

 

Quest’uomo del tempo passato

rivive,

è come se adesso lo avessi incontrato;

paziente

mi mostra il film della sua vita,

ma tace…;

rombante passa una moto

e lui svanisce, lontano,

nella sua pace!