U SANGHIN di Roberto Rovelli

L’ària a l’è fréida;

u l’à feniu de ciüvì.

Nìvuře grixe i se scurre

int’u celu ancù scüru

che u sù, da pòcu nasciüu,

u cumensa a scciairì.

Lagiü int’a pinéa,

fra in custu de viùřete

d’arrénte a ina roca

tachignusa de tea

e dui ciclamìn

béli insciurì,

a capela d’in sanghìn

a cumensa a parésce

da in tapeu ümeru

de föglie e farüpe

destesu suta ai pin.

 

 

 

Roberto Rovelli – Dialetto di La Mortola di Ventimiglia

 

 

IL FUNGO (DI PINO)

 

L’aria e’ fredda;

ha finito di piovere.

Nuvole grigie si rincorrono

nel cielo ancora scuro

che il sole, appena sorto,

comincia a schiarire.

Laggiu’ nella pineta,

fra un cespuglio di violette

vicino ad una roccia

appiccicosa di resina

e due ciclamini

belli fioriti,

la cappella di un fungo (di pino)

comincia a spuntare

da un tappeto morbido

di foglie e aghi

disteso sotto ai pini.