BELLI E DESPIÆ I NÒSTRI ZEUGHI SERVIVAN di Fiorenzo Toso

Belli e despiæ i nòstri zeughi servivan

à fâne intende d’ëse carne viva,

sangue capaçe de giassâ e confeze,

anime intrante à fondise e à gödîse.

 

I nòstri zeughi, reui d’amô e de feugo

i frazzavimo, de vòtte, con a cointa

de chi veu andâ ciù in là de tutte e cöse,

ëse ciù carne, ciù anima, ciù sangue.

 

I nòstri zeughi n’an astriou mai tanto

ch’oua inte lô gh’é i nòstri cheu che piccan:

da carne scciai, de l’anima e do sangue,

solo dexio larghi da-i zeughi semmo.

 

 

 

Fiorenzo Toso - Lingua genovese

Tratta da “Poesia in Ligure tra Novecento e Duemila” (1900 – 2018) di Alessandro Guasoni – Edizioni Cofine, Roma, 2019, pag. 130

 

 

BELLI E DISPERATI I NOSTRI GIOCHI SERVIVANO

 

Belli e disperati i nostri giochi servivano

a farci capire di essere carne viva,

sangue capace di gelarsi e ribollire,

anime che sanno fondersi e godersi.

 

I nostri giochi, circoli d’amore e di fuoco

li consumavamo, a volte, con la furia

di chi vuole andare al di là di tutte le cose,

essere più carne, più anima, più sangue.

 

I nostri giochi ci hanno stregato al punto

che adesso i nostri cuori battono in loro:

schiavi della carne, dell’anima e del sangue,

lontani dai giochi non siamo che desiderio.