ERÛBESCENSA di Renzo Ferrero

  

O camminn-a  sciû e zû tûtt'impettïo

cö  pëto  in  feua  e  cö  cû 'n derrê.

Ma chi o se credde d'ëse? O “caga in nïo” ?.

Napoleon o l'è 'n moscin confrono a lê !

 

O  l' ëa   'n' impiegòu  de  l' intendensa

ch' o  trattava  tûtti  i  giorni  con  a  gente

con  tanto  presûmin  e  prepotensa

ch' o  pàiva  tûtto  lê  e  a  merda  ninte.

 

Poi l'han piggiòu co-e moén sporche de fænn-a,

o  l' ha  fæto  'n  pittin  de  penitensa

ma intanto gh'è arrestòu a borsa pinn-a. 

 

No  avendo  ciû  problemi  pe  impî  a  pansa,

o  va  de  longo  sciû  e  zû  pe-a  mænn-a

sensa  manco  'n  pittin  d' erûbescensa...

 

 

 

Renzo Ferrero – Dialetto di Genova

1992

 

 

ROSSORE  

 

Cammina  su  e  giù  tutto  impettito, 

col  petto  in  fuori  e  il  sedere  indietro. 

Ma chi  si crede di essere? Il “caga in nido” ?   

Napoleone è un moscerino confronto a lui.  

 

Era  un  impiegato  dell' Intendenza 

che  trattava  tutti  i  giorni  con  la  gente 

con  tanta   presunzione   e   prepotenza 

che sembrava tutto lui e la merda niente.   

 

Poi l'hanno preso con le mani sporche di farina, 

ha  fatto  un  po'  di  penitenza, 

ma  intanto  gli  è  rimasto  la  borsa  piena.  

 

Non avendo più problemi per riempire la pancia, 

se ne va sempre su e  giù  per  la  marina, 

senza neanche un pochino di  rossore...