QUANDE SAIÒ MAINÂ di Fiorenzo Toso

 

NIÑO JUGANDO CON BARCO, 1909

Joaquín Sorolla y Bastida 

Quande saiò mainâ o mæ barco lesto

O camminià in scî mouxi, veie gianche

Insce de vento, fin che segge a tæra

Solo regòrdo e dexidëio sccetto.

 

Quande saiò mainâ, saiò lezenda

Pe-i figgeu che rebellan lì da-a riva

O gossetto allestio da sò poægrande,

De sa e de là, e che sciuscian pe sponciâlo.

 

Quande saiò mainâ, coegou inta tuga

De infinie nottoañe, a-o mæ gossetto

Pensiò, e a-i mæ seunni, quande garsonetto

Lezenda me creddeiva de poei ëse.

 

 

Fiorenzo Toso – Dialetto di Arenzano

 

QUANDO SARÒ MARINAIO

Quando sarò marinaio il mio veloce bastimento

correrà sulle onde, vele bianche

gonfie di vento, fino a quando la terra non diventerà

altro che ricordo e franco desiderio.

 

Quando sarò marinaio, sarò leggenda

per quei bambini che trascinano, vicino alla riva,

la barchetta costruita dal nonno,

avanti e indietro, soffiando per sospingerla.

 

Quando sarò marinaio, coricato nella tuga

di infinite nottate, alla mia barchetta

penserò, e ai miei sogni di quando, fanciullo,

immaginavo di diventare leggenda.