CURUMBINA di Costanza Modena

Mi a l’aixevu ina craveta muta

ch’a l’eira a me cumpagna in te l’estai,

cume in cagnetu a m’asseghiva chieta,

de stà cun mi a nu se stancava mai.

 

In sce a fronte a l’aixeva ina stelina

gianca, fra i öij, cume in pendajetu;

u so nome u l’eira Curumbina

apeizu au colu a purtava in sonajetu.

 

A l’aixeva imparau a sta assetà

sute a toira, aspeitandu in bucunetu,

fina se a nu saixeva baunà

a faixeva a figüra d’in cagnetu.

 

Pöi in giurnu, a u stagiu a l’ho ciamà,

pe’ andà in poucu pe’ e fasce a scuratà,

ma ela a l’eira triste, ascaixi assente,

a l’aixeva autre couse de pe’ a mente.

 

“Ma cume, Curumbina, ti nu vöi

giügà cun mi, andà pe’ sciure bele?

Perché ti béri, co’ ti hai ancöi…

vegni chi föra, a famu e trumbarele!”

 

A l’è sciurtia de föra cume u ventu

e pöi, berandu, sensa dame a mentu,

a l’è arivà davanti a a cà du becu

ch’u giasciava tranchilu in brotu secu.

 

U giurnu dopu a crava a l’è turnà,

a spüssava de becu ciü d’in stagiu;

a u tempu giüstu ch’a duixeva fa

a m’ha daitu in cravetu cume umagiu.

 

 

 

Costanza Modena – Dialetto di Sanremo

 

 

COLOMBINA

 

Avevo una capretta senza corna

che era la mia compagna durante l’estate,

mi seguiva tranquilla come un cagnolino,

non si tancava mai di stare con me.

 

Sulla fronte aveva una stellina

bianca, fra gli occhi, come un ciondolo;

il suo nome era Colombina,

appeso al collo portava un sonaglietto.

 

Aveva imparato a stare seduta

sotto il tavolo, aspettando un bocconcino,

anche se non sapeva abbaiare

sembrava un cagnolino.

 

Poi un giorno l’ho chiamata dalla stalla

per andare un po’ per le fasce a correre,

ma lei era triste, quasi assente,

aveva altre cose per la mente.

 

“Ma come, Colombina, non vuoi

giocare con me, andare a raccogliere bei fiori?

Perché beli, cos’hai oggi…

Vieni qui fuori, facciamo le capriole!”

 

E’ uscita fuori come il vento

e poi, belando, senza darmi ascolto,

è arrivata davanti alla casa del maschio

che masticava tranquillo un rametto.

 

Il giorno dopo la capra è tornata,

puzzava di capro più di una stalla;

giunta alla fine della gravidanza

mi ha regalato un capretto.