SOLO UNN-A VOTTA TI PASSI di Edoardo Firpo

A zoventù a me canta

sempre un pö ciù dä lontan,

e, malinconica riendo,

a me saluta coä man.

 

Fin che no-ä perdo de vista

me pä d’avèila con mi,

ma un malinconico addio

aviö da daghe mi ascì.

 

Comme a chi lascia de nêutte

Zena partindo pe mä

finn-a ch’o vedde a Lanterna

o se pêu consolä.

 

 

 

Edoardo Firpo – Dialetto di Genova

 

 

SOLO UNA VOLTA TU PASSI

 

La gioventù mi canta

sempre un po’ più da lontano,

e, malinconica ridendo,

mi saluta con la mano.

 

Fin che non la perdo di vista

mi pare di averla con me,

ma un malinconico addio

dovrò darle anch’io.

 

Come a chi lascia di notte

Genova partendo per mare

fin che vede la Lanterna

si può ancora consolare.

 

I SITUAIEN RA COLA di Vincenzo Jacono

Coldirodi - Piazza Sant'Anna

A in grupu ch’u cosava u marsiglié

In sci a ciassa ra Cola, ina giurnà,

A m’acostu e a dumandu se indicà

U Cumün me vuresse, pe piaixé.

 

I mei scignuri i cianta de cosà,

I me garda cu in’aria in po’ ebeté

E i m’amenestra in: - «Qua? Che desiré?

Cumün? Trondepadì, chesche s’è sa!» -

 

Ün d’èli u diixe aa fin: - «Figliœi, xe cruà

Ch’u serche ra Merì, stu furesté» -

E u m’a mustra criendu: - «La vualà!

 

Ma bonom ru Segnù, se i nu parlé

Fransé, chi vu compran?» - dapœi me fa

- «Me pa’ a mi ascì - ghe digu - ma, scüsé,

 

               Me credevu ch’issì

A fùscimu delongu in Italì,

E aa Cola, cubre, e pa a Coldirodì…

 

               Avù ch’au so, se ancù

A me remurcu sciü de chì, sce vu,

Me stracu de franseese in prufessù» -

 

 

 

Vincenzo Jacono – Dialetto di Sanremo

 

I CITOYENS DELLA COLLA

 

A un gruppo di persone che parlava il marsigliese

Sulla piazza della Colla, un giorno,

Mi avvicino e chiedo se indicare

Il Municipio mi volessero, per cortesia.

 

I miei signori cessano di parlare,

Mi guardano con un’aria un po’ stupita

E mi scodellano un: - «Cosa? Che desiderate?

Municipio? Accidenti, che cos’è questa cosa!» -

 

Uno di loro dice alla fine: - «Figlioli, credo

Che cerchi il Municipio, questo forestiero» -

E me lo indica gridando - «Eccolo là!

 

Mio brav’uomo del Signore, se non parlate

Francese, chi vi capisce?» - dopo mi dice

- «Mi sembra anche a me – gli dico – ma scusate,

 

                     Credevo che qui

Fossimo sempre in Italì,

E alla Colla, perdinci, e non a Coldirodì…

 

                     Adesso che loso, se ancora

Mi rimorchio su di qui, presso di voi,

Mi porto del francese un professore» -

L’ASSONÀ di Mario Saredi

Ghe l’hon cu’ u sònu,

ch’u vèn cànde l’è dì’

e cànde l’è cübu

u se ne và.

Vègni cùn mì,

mìa fàme vé

e stéle cù’ a lüna,

già e cunùsciu,

cànde cùn éla,

s’aissàvimu apòsta,

pe’ arepousàsse in  po’,

çercàvimu a nòscia,

ch’a sbrilàva de ciü.

Da sùlu,

nu gh’è güstu,

fàme durmì,

che a pöscie aumàncu

assonà.

 

 

 

Mario  Saredi – Dialetto di Camporosso

2018

 

 

IL SOGNARE

 

Ce l’ho con il sonno,

che viene quando è giorno

e quando è buio

se ne và.

Vieni con me,

invece di farmi vedere

le stelle con la luna,

le conosco già,

quando c’era lei,

ci svegliavamo appositamente,

per riposarsi un po’,

cercavamo la nostra,

che brillava di più.

Da solo,

non c’è gusto,

fammi dormire,

che la possa almeno

sognare.

GIANI I LIMOIN di Fiorenzo Toso

Giani i limoin che lascio stâ sarvæghi

in fondo a-o scito, e ancon ciù giani a-a seia:

tramezo a-e feugge son tant’öo chi luxe

inte l’imbatto da giornâ ch’a meue.

 

Rosse e mæ reuse quande scciuppa mazzo,

e vivan fin che no ven zeo do bello:

macce de sangue che sciù pe-a maxea

p’amô do ciæo do sô se gh’arrampiñan.

 

Bleu comme seugni i euggi da mæ dònna,

donde me perdo inti momenti cadi:

innamoæ de tutte e cöse a-o mondo

se son fermæ ’n sce chi l’aveiva cäi.

 

Giani i limoin, rosse e mæ reuse, e i euggi

bleu comme seugni che no resegondan:

smaxisce l’öo, smaxisce o sangue e i seugni,

resta a memöia de chi l’à gödii.

 

 

Fiorenzo Toso - Dialetto di Arenzano

17.XII.84

 

 

GIALLI I LIMONI

 

Gialli i limoni che lascio inselvatichire

in fondo al podere, e ancor più gialli a sera:

in mezzo alle foglie sono tanto oro che splende

nel riverbero del giorno che muore.

 

Rosse le mie rose quando maggio esplode,

e vivono fino a quando gela per davvero:

macchie di sangue che lungo il muro a secco

si arrampicano per amore della luce del sole.

 

Blu come sogni gli occhi della mia donna,

dove mi perdo nei momenti caldi:

innamorati di tutte le cose al mondo

si sono fermati su chi più li ama.

 

Gialli i limoni, rosse le mie rose e gli occhi,

blu come sogni che non ritornano:

sbiadisca l’oro, sbiadiscano sangue e sogni,

resta la memoria di chi ha saputo goderli.

MARUTIA DA VIRUS CORONA DIJINÉVE di Silvano Rebaudo

 

U l’è arivau a l’impruvisu da luntan

e, a pocu a pocu

u n’a pigliau titi per man.

U l’è arivau preputente

tra e noscie gènte,

e adesu u a fa da padrun

e u ne obliga titi a fae tanta atensiun.

 

Titi in ca u ne fa stae,

e nu puremu ci andae a viroae e,

mancu ci a travaiae.

E per sciorte, e se metemu a maschera

anche se u nu l’è ci carlevae,

ma sulu pe puterse da Er reparae.

 

Da suli e luntan,

gli in dai autri e devemu stae,

e mae suegni e se devemu lavae e disinfetae

e, e nu puremu mancu ci brasae e baijae.

 

In pei camin, u nu se incontra ci niscin,

sulu caichin che, de tantu in tantu

u va a acatae, o u porta u can  pisciae.

 

Tanti sacrifisi  e devemu fae

tante règule e devemu rispetae,

ma, se titi e se damu da fae,

prestu cume u l’è arivau

u se ne deve andae.

 

 

 

Silvano Rebaudo – Dialetto di Pigna

Poesia che ha partecipato al Concorso “Giannino Orengo” – Edizione 2020

 

COVID 19

E’ arrivato all’improvviso da lontano

e, a poco a poco

ci ha presi tutti per mano.

E’ arrivato prepotente

tra la nostra gente,

ed ora la fa da padrone

e ci obbliga tutti a fare molta attenzione.

 

Tutti in casa ci fa stare,

non possiamo più andare a gironzolare e,

neanche più a lavorare.

E per uscire, ci mettiamo la mascherina

anche se non è più carnevale,

ma solo per poterci da lui riparare.

 

Da soli e lontano,

gli uni dagli altri dobbiamo stare,

le mani spesso ci dobbiamo lavare e disinfettare

e, non ci possiamo nemmeno più abbracciare e baciare.

 

Per le strade, non si incontra più nessuno,

solo qualcuno che, d’ogni tanto

va a fare la spesa, oppure porta il cane a fare la pipì.

 

Tanti sacrifici dobbiamo fare

tante regole dobbiamo rispettare,

ma, se tutti noi ci diamo da fare,

presto come è arrivato

se ne deve andare.

QUANTE VITTE… di Luigi Cornetto

  

Camminemmo

fadighemmo

s’arrempeghemmo

a votte

e sciuscemmo.

 

Ma quante vitte

ghe vorriæ

pe capî:

 

o remescio do mâ

o tremô da tæra

a raggia do çê?

 

 

 

Luigi Cornetto – Dialetto di Genova

 

 

QUANTE VITE…

 

Camminiamo

fatichiamo

ci arrampichiamo

a volte

e ansimiamo.

 

Ma quante vite

ci vorrebbero

per capire:

 

il rimescolamento del mare

il tremore della terra

la rabbia del cielo?

 

DUI ZIRI DE RELÖRIU di Maria Muratore

Vinticatr’ure a l’à ina giurnà,

dui ziri de relöriu.

Da l’arbezà, man man ven ciàiru,

ina balota de fögu

a paresce a levante,

u sù u s’aissa in celu.

Cu’ u sou chichirichì,

u galu u n’adescìa,

e tütu recumensa a vive.

E ure i se scurre e int’in lampu,

l’è zà mezugiurnu, u sù u l’è àutu,

e “riendu” u s’arrübata a punente,

u l’è u tramuntu.

Ma pöi gh’è ancù da vé

u celu de nöte, e stele ch’i lüxe,

paresce de purrere cuntà,

üna, due, tre, ma pöi, ma pöi…

u sonu u n’aganta,

purremu repousà.

E duman: … duman?

E duman a l’è in’autra giurnà.

 

 

 

Maria Muratore – Dialetto di Ventimiglia

 

 

DUE GIRI DI OROLOGIO

 

Ventiquattr’ore è una giornata,

due giri di orologio.

Dall’albeggiare, man mano che schiarisce,

una palla di fuoco

appare a levante,

si alza nel cielo.

Con il suo chicchirichì,

il gallo ci sveglia,

e tutto ricomincia a vivere.

Le ore si rincorrono e in un lampo,

è già mezzogiorno, il sole è alto,

e “ridendo” cade a ponente,

è il tramonto.

Ma poi c’è ancora da vedere

il cielo di notte, le stelle che brillano,

sembra di poterle contare,

una, due, tre, ma poi, ma poi…

il sonno sopravviene,

possiamo riposare.

E domani: … domani?

E domani è un altro giorno.