MARINA D’UTUBRE di Pia Viale

Foto di Arturo Viale

Marina d’utubre

carma, celeste, rösa:

a nu paresce d’àiga,

ma d’ina mòrbida sea.

 

U sù u se ghe spéglia

e u lüxe d’òuru,

cian cian u se ne cara

deré ae coste da Fransa.

 

Che pàixe pe’ l’àrima!

 

I giurni i sun mèiximi aa nöte,

a natüra a ne leva a parola,

a nu serve, e tàixe l’anticö:

tütu se ince de sula belessa.

 

 

 

Pia Viale – Dialetto di Vallebona

III Classificata al Premio Internazionale Letterario "Carlo Bo - Giovanni Descalzo" Città di Sestri Levante – 2024

 

MARE D’OTTOBRE

 

Mare d’ottobre

calmo, azzurro, rosa:

non sembra di acqua

ma di una morbida seta.

 

Il sole ci si specchia

e luccica d’oro,

pian piano se ne scende

dietro alle coste della Francia.

 

Che pace per l’anima!

 

I giorni sono uguali alle notti,

la natura ci toglie la parola,

non serve, e tacciono le ansie:

tutto si riempie di sola bellezza.