RIFLESCION di Angelo De Ferrari

 

Strascinâ e oe comme ’na ciatta veua,

co-o coverton pessou, sperso, in sce l’òrsa,

tra o bollezzumme ch’o ne ven da feua

co-o sciou do mâ ch’o a fascia inta seu scòrsa.

 

Comme ’na ciatta, ch’a se scròlla a-o sô,

ch’a dà gommiæ a-e atre ciù vixiñe,

’na ciatta antiga, scciassa, nio d’ödô

de peixe grega e d’ægua de sentiñe.

 

E aspëtâ, sensa avei o cheu ciù in guæra,

a çimma da barcassa e andâ à arrecheugge

da-o scarego da draga i macchi e a tæra

 

ò into recanto ascoso – e o bòrdo sgreuzzo

o çerca paxe inte l’ombra ch’o l’ingheugge –

a rumenta da nave in sce l’ormezzo.

 

 

 

Angelo De Ferrari – Dialetto di Genova

 

 

RIFLESSIONE

 

Trascinare le ore come una chiatta vuota,

con il copertone rappezzato, sbiadito, di traverso,

tra la maretta che viene da fuori

con il fiato del mare che la fascia nella sua scorza.

 

Come una chiatta, che si scrolla al sole,

che dà gomitate alle altre più vicine,

una chiatta antica, pesante, nido d’odore

di pece greca e d’acqua di sentine.

 

E aspettare, senza avere più il cuore in guerra,

la fune del rimorchiatore e andare a raccogliere

dallo scarico della draga gli scogli e la terra

 

o in un angolo nascosto – e il bordo rozzo

cerca pace nell’ombra che lo avvolge –

la spazzatura della nave sull’ormeggio.